Kutoka Ugogoni

EID MUBARAK!

2011-08-31T01:07:00.000-07:00

EID MUBARAK kwa waislam wote duniani

habari njema kwa wenye vitambi na mafuta mengi mwilini

2011-08-31T00:57:00.001-07:00

kwa wale ambao wanajijua kuwa wana vitambi, unene uliokithiri, mafuta mengi mwilini, ninayo habari njema kwao, dawa ya kutoa mafuta inapatikana kwa gharama nafuu ya sh. 20000/= elfu ishirini tu, kama unahitaji just call 0713358273, dawa hii inaendana pamoja na kufanya mazoezi kidogo na kupunguza kula vyakula ambavyo vyenye mafuta, mafuta yaisha kabisa na kitambi kinamalizika kabisa wahi sasa.

HiLi nI WaZo La LEo

2011-03-30T00:32:00.000-07:00

Hawa Jamaa wako Siriaz eti na wanakwambia hivi!!!CHEZEA MSHAHARA, USICHEZEE KAZI!!!!!

HUYU NDIYO KIBOKO YA LUSINDE

2010-08-02T07:17:00.000-07:00

HUYU NDIYO KIBOKO YA MALECELA, NAITWA LIVINGSTONE LUSINDE!

Et ni kweli kwamba kumkeketa Mtoto wa Kike kunamfanya asiwe Malaya?

2010-06-23T08:53:00.000-07:00

HIVI ni Kweli eti kumkeketa mtoto wa kike ni kumfanya asiwe Malaya jamani? Ninauliza hivi nina maana, moja ya mila na tamaduni za wagogo hapo zamani ilikuwa ni kumkeketa motto wa kike ili kumfanya asiwe Malaya.

UNAOBA bwana, unajua kwa nini? Eti wabibi wale wa zamani wanasema kuwa ukimekeketa mtoto wa kike unampunguzia hamu ya kufanya mapenzi na hivyo anakuwa si Malaya!
Sasa sina uhakika kama ni kweli sana, naomba wadau mnisaidie katika hili tafadhali naombeni jamani, naomba mtoe maoni yenu halafu baadaye nitafunga mjadala kwa kuwa bado natafuta materials zaidi ya kuwafahamisha kuhusu mila hii ya mgogo!

Karibuni sana.

HIZI NI SALAMAU ZA WAGOGO KUTOKA KWA KAKA FREDIRICK MUMBULI!

2010-03-05T02:58:00.000-08:00

Da Martha,

Nimefurahi kuona kazi nzuri unayoifanaya, ni Tuvuti nzuri ikieendelezwa na ikapata habari nyingi moto moto.

Kumekuwa na jitihada nyingi kukujaribu kuwakumbusha na kuwahamasisha Wagogo kuungana na kufanya kazi za maendeleo na hususani za kiuchumi (Ujasiriamali) lakini nyingi ziko kwa mwendo wa kinyonga, Wanyausi wamebaki na kilio cha Ukame (Chibahu) na umasikini!

Leo hii ukijitambulkisha mgogo haraka kwenye mawazo ya “wanyamunthu” kunakuja wazo la omba omba/masikini, siku hizi tumewafunika hata watani zetu, maana sisi tuna hata mbwembwe za aina aina za kuomba! Lakini kwa nini, au kuna nini vichwani mwa wanyausu?

Kwa nini tusizinduke sasa, mbona wakati tulalamika ukame na umasiki uliokithiri, shemeji zetu Wachaga wanaporomosha majumba ya magari ya kifahari, kwani hivi wanavuchumia wapi! Mbona waheshimiwa kutoka kondoa wanachangamikia tenda, sisi tumebaki “usiku wo monga!”. Haya sasa Vyuo hivyo, wanakuja watoto wa wenzetu wanapata elimu wanarudi kutumikia makwao, hata kama kuna wazalendo wanachuma wanaenda kujenga kwao na baadhi wanawekeza Dodoma.

Wanyausi wana nini, mbona wapo kama wameridhika tu na maisha duni! Tumesikia madinai yalipatikana maeneo Fulani huko Mpwawa wamekuja wenzetu wajanja wakachota, hata huko Wilaya mpya kunatetesi chini kuna mali, badala ya kushiriki midahalo na mijadala mbalimbali nasikiwa wanyausi wameshafyata mkia wao wanafikilia Matembe yao wataenda kuyaotesha wapi!

Wanyausi, Zabibu! Wataliano huko Homboro wanabweda tu, hebu jaribu kuulizia Mvinyo wa Homboro kama utaupata kwa urahisi hapa nchini labla uende majuu Hongera Wanyausi wa Chinangali kuanzisha tena zao la zabibu, lakini angalieni isiewe nguvu ya soda! Kwani hamkumbuki enze za zabibu Mlowa bwani, Kigwe na kungineko vijiji vilinunua mpaka Malori, magari na mashamba hayo vikowapi.

Hongera ndugu zangu wa Mbabala! Kumbe tukiwezeshwa tunaweza, sasa hebu CRDB iingalie na Miradi mingine, kama Ubuyu, unashanga! Hebu tukikusanya maauzo yote ya ubuyu Dalisama tu, mboana watu wanalipa kodi na ada za shule” nkani ya mapela” Mazao kama Alizeti, ufuta na karanga yakiwezeshwa, mashudu tutalisha ng’ombe, na mbuzi wataongezeka mnadani.

Wanyausi, sasa tena hata Nindo, Msunyunto, Muheme, Chipande, Masembegu Chiganda, taja…… hatuvisamini tena, si hata tungetengeneza Single na sisi tukatoka Maanderground! Mbona inawezekana, mbona Dada yetu kavaa koti ya Chimuli akatoka naye alitoka Tanga.

Kaka zangu Mavunde na Yobwa, papa Mchoya yuko wapi? Najua kazi nzuri za huko St. James Arusha, UVUKE-DodoMA, taja.............. Mvua hainyeshi, mbona kumeanzishwa kiwanda cha maji, Sante! Kwani maji ya mzakwe yameisha, mto Bubu vipi sikuizi unaongea, hayo maji tuyafate huko huko chini, Hiviiiiiiii mbona Waarabu hawahami jangwani, sisi kila siku mabasi kwa basi DALISALAMA, tunawaachia wenzetu nyumba, mnategemea nini!

Si ajabu waheshimiwa hawataki kuhamia Dodoma maana wanashanga nyie mnawambia wahamie Dodoma, lakini mnapishana nao Dumila, mkienda Dalisalama, nyinyi mnakimbia nini, halafu mnawazimisha wahamie Dodoma, hiviiiiiii mmesahau usemi wa Wanyausi “Mnyanyumba sangalale……..” Y ako mengi yakusema, lakini iko haja ya wanyausi kufikiria tena, Dodoma tunamwachia nani, Mzee mkubwa, Baba, Koko wewe tu umebaki kati ya Wazee wetu, hivi mkikaa na Mzee mwenzio hamweza kutuamusha, mwene chibede cha chichi! So chi wayangu! Sema neno moja tu mbona tunakuaminia.

Sasa hebu angalia wageni wanakuja sisi tunatoka kwenye vibarua Dalisalama, hata kweli ni adamu ya “KWI KUMBU” tuliojifunzo, ng’o yai! George Kusila alinza kitu cha Wanyausi kuwakumbusha walikotoka, basi hata wakishindwa mengine, miili tu irudishwe ikazikwe kijijini, hata hilo nalo limekuwa gumu, hiviiiiiiiiiiiiiiiiiiiiii! Kalumbu asante sana, kwa wasaa huu naomba nikukaribishe kikao cha wanyausi 14/02/2010 Dalisalama , tunapanga sehemu ya kukutana ukinipigia baada ya kesho nitakuwa na jibu.

Wakutya Wagogo chili Chibede, chili machela vitatufikisha wapi ndugu zanguni! Salaam.

from Freddy Kapande (Kigwe) mumbuli@yahoo.com 0715327683

HAPPY NEW YEAR 2010

2010-01-04T01:42:00.000-08:00

Nakutakieni heri ya mwaka mpya wa 2010 wasomaji wangu wooote hata wale ambao huwa munapita tu angalau kwa mara chache saaana, nawashukuru sana wote ambao mmekuwa mkitoa ushauri wenu na mawazo mbalimbali na kuifanya webpage hii kuendelea kuishi katika ulimwengu huu wa Utandawazi! Thank U sana all of u!

be blessed Oh!

TANZIA!

2009-11-26T03:27:00.000-08:00

Mlemavu wa Ngozi Mariam Obed (18), amefariki Dunia juzi nyumbani kwao Eneo la Nkhungu Mjini kutokana na kuugua kansa ya Jicho kwa muda mrefu.
Nawashukuru sana wote waliojitolea kwa hali na mali kumsaidia mariam ili aweze kutibiwa, ndugu zangu waliomsaidia mariam HINAI TAMIM na SAID wote wa nchini Oman Muscat, mungu awazidishie baraka muendelee na moyo huo.
Mungu ailaze mahali Pema Peponi roho ya Mariam Obed

AMEN!!

MAMBO YALIKUWA POA

2009-11-09T03:15:00.000-08:00

HAWA NI MR & MRS MKISI.COM

BYEEEEEEEEE

2009-11-09T03:09:00.000-08:00

HAOOOOOOOO WANAJIMUVUZISHA!

Siku Prince Masai alipooa!

2009-11-09T03:03:00.000-08:00

WADAU WALIOHUDHURIA SHEREHE YA PRINCE MASAI!

Siku Prince Masai alipouaga ukapera

2009-11-09T03:00:00.001-08:00

Mzee wa SUMO naye alikuwepo jamani!

Siku Prince Masai alipouaga Ukapera

2009-11-09T02:57:00.001-08:00

baadhi ya wadau waliohudhuria harusi ya Prince wakiserebuka!

Siku Mwanablogu ya Prince Maasai ALIPOUAGA UKAPERA

2009-11-09T02:23:00.000-08:00

Prince akiwa na Mkewe Elizabeth katika ukumbi wa Kilimani Dodoma.

MAPENZI hayana umri jamani, hebu msome mzee wa miaka 70 aliyejinyonga kwa wivu wa mapenzi!

2009-09-21T04:53:00.000-07:00

Na Martha Mtangoo, Dodoma

9/21/2009

MZEE wa miaka 70 aliyefahamika kwa jina la Msuliche Mhogo amejinyonga kwa kutumia kamba kutokana na wivu wa mapenzi.

Kamnda wa polisi mkoani hapa Zelothe Steven aliwaambia waandishi wa habari ofisini kwake jana kuwa tukio hilo lilitokea juzi saa 2.30 asubuhi katika kijiji cha Ngh’ambi wilayani Mpwapwa.

Akielezea tukio hilo Kamanda Zelothe alisema kuwa chanzo cha mzee huyo kujinyonga ni kutokana na wivu wa kimapenzi kwa mkewe mwenye umri wa miaka (30) ambaye jina lake limehifadhiwa.

Alifafanua kuwa kwa muda mrefu mzee huyo alikuwa akihisi mkewe ana uhusiano wa kimapenzi na mwanaume mwingine hapo kijijini ambaye ni jirani yake.

Alisema kuwa awali kabla ya tukio hilo kutokea , usiku mzee huyo aligombana na mkewe kuhusu mtoto wao mmoja ambaye ana umri wa miaka miwili akidai kuwa mtoto huyo ni wa mwanaume ambaye nahisi anatembea naye na si mwanaye.

Kamanda Zelothe alisema kuwa wakati wakiendelea na ugomvi huo mke mkubwa wa mzee huyo alienda kuamua ugomvi huo na ilipofika asubuhi mzee huyo aliaga kuwa anaenda safari na ndipo alipokwenda kwenye mbuyu ambao upo jirani na nyumbani kwake na kujinyonga.

Wakati huohuo jeshi la polisi mkoani hapa linamshikilia Hamis Salum (27) mkazi wa Manispaa ya Moshi kwa tuhuma za kufungua duka na kuiba simu 10 za aina mbalimbali.

Kamanda Zelothe alisema kuwa baada ya kufungua mlango mtuhumiwa huyo alijfungia ndani ya duka hilo na kuanza kukusanya simu dukani humo ambapo mwenye duka ambaye ni Freeman Narcis (23) alifika dukani hapo na alipofungua duka alimkuta mtuhumiwa huyo akiendelea kukusanya vitu katika duka hilo .

Kamanda Zelothe alisema kuwa jeshi hilo bado linamshikilia mtu huyo kwa mahojiano zaidi na atafikishwa mahakamni mara baada ya uchunguzi kukamilika.

Ends……

Ningekuwa Spika Sitta Ningejiuzulu!

2009-08-20T03:15:00.000-07:00

NINGEKUWA SPIKA SITTA NINGEJIUZULU

HAKI ya Mungu kweli duniani kuna mambo pamoja na mambo yote mazuri ambayo spika wa Bunge la Jamhuri ya muungano wa Tanzania Samuel Sitta kwa Wabunge wa chama cha mapinduzi wakiwemo na Mafisadi ambao wanajulikana kwa majina mimi sitaki kuwataja bado wabunge hao ambao wengine ni wajumbe wa halmashauri kuu ya chama cha mapinduzi (NEC) na mafisadi wamo wamememgeuka!

Jamani kwa kweli ni lazima tukajifunza ustaarabu mengi sita kawasaidia wabunge hawa pamoja na wale wa upinzani lakini sasa tena moto umemgeukia yeye jamani kweli hii ni fair?
Hapa naorodhesha tu mambo machache ambayo spika sitta amewapigania wabunge hawa na kubalansi Bunge ili liliemee upande mmoja halafu akaonekana kana kwamba anapendelea upande mmoja wa CCM!

Spika huyuhuyu ambaye anaitwa Mbabe amepigania kwa nguvu marupurupu ya wabunge na kusababisha sasa hivi wabunge kulipwa mshahara tu kiasi cha sh. Milioni 12 kwa mwezi na marupurupu kibao!

Hiyo haikutosha spika huyohuyo mbabe amepigania mpaka sheria ya kuanzishwa mfuko wa maendeleo ya Jimbo kwa wabunge umepita kwa mbinde Bungeni licha ya wananchi kuonyesha kuukataa!

Mimi sijatumwa na Mtu kuzungumzia hili suala ila nimeguswa na kitendo alichofanyiwa hivi karibuni Mjini Dodoma katika Ukumbi wa Nec wa kutaka avuliwe uanachama kwa kuwa anaendesha eti Bunge kibabe!

Kwa kweli CCM hamkumfanyia Spika wenu sawa kabisa kwa sababu mnataka aliendesheje Bunge la Jamhuri ya Muungano wa Tanzania ambalo hivi sasa limekuwa kama Kikundi cha vichekesho cha orijino Komedi kuna jambo lingine zaidi ya hili si mseme?

Alichokisema hivi karibuni Bungeni spika kuwa anaomba ulinzi wa ziada kwa kuwa nguvu ya mafisadi inamzidi alikuwa sahihi kwa kuwa tayati alishaona nini kinafuata na kwa kuwa serikali haikumuelewa ndiyo maana ilipuuzia na maneno meengi ya kejeli yakatolewa juu ya kauli yake!

Lakini ukweli wa maneno ya Mzee Sitta sasa yamejidhihirisha ndani ya mkutano wa CCM ambamo kunaonekana kuwa CCM bila mafisadi haiwezekani kuwa hai, sasa mnataka spika aendesheje Bunge lenu JAMANI?

Mnataka spika atoe uhai wake ndiyo mbaini kuwa alikuwa anaendesha bunge kwa usawa na kubalansi pia au mnatakaje au aendeshe Bunge kwa kupendelea wabunge wa CCM? Mtalishusha hadhi na viwango pia kama mnataka liwe ambavyo ninyi mnataka liwe!

Kwa hali hii mimi ningekuwa Spika Sitta ningejiuzulu Uspika ili kuwaachia nafasi mafisadi kumtafuta spika ambaye wao wanamtaka ambaye hatendesha Bunge kibabe au sio na kupendelea CCM maana viwango ulivyoahidi mwaka ule havitakuwepo tena!

Kwa kweli inauma halafu inakera zaidi inatia kichefuchefu kufanya hivyo ni kuonyesha ni kiasi gani kwamba CCM inashikiliwa na kuendeshwa na watu wachache wenye pesa zao na utartibu huu ambao CCM mmeuonyesha sijui nini kitafuata lakini mmetia DOA tena doa lenyewe jekundu kwenye nguo nyeupe!

SHAURI YENU CCM angalieni msije mkajuta kwa kuwasafisha watu ambao tayari walishachafuka siku nyingi kupitia watu ambao wangekusaidieni kuwasafisha angalau kwa kutumia busara zao ambazo zinaonekana ni ubabe!

Wasamalia wema wamsaidia Binti Mariam

2009-06-23T05:02:00.000-07:00

Picha kushoto; Mwandishi na mmiliki wa Blog hii Martha Mtangoo, akimkabidhi fedha taslim sh. 230,00 Mariam ambaye alikuwa akihitaji msaada kwa ajili ya kufanyiwa operesheni ya saratani ya Jicho ambayo tayari ameshafanyiwa, fedha hizo

ambazo zimetolewa na wasamalia wema Hinai Tamim na Said ambao wanaishi nchini Oman.

Mungu awabariki sana.

WENZETU HUKO TARIME wanadumisha mila kwa mtindo huu

2009-05-05T04:58:00.000-07:00

WAZIRI WA MAMBO YA NDANI LAWRANCE MASHA

AMA kweli ukistaajabu ya Mussa uyaona ya Firauni! wakati watu wanapinga mila na desturi zilizopitwa na wakati huko TARIME wenzetu wanadumisha tu!
hebu soma hii kwanza.

Katika mkoa wa Mara kuna mila ambayo imekuwa ikifanywa na wazee wa kimila ambao kutokana na kutekeleza mila hizo matukio ya mauaji yamekuwa yakisababishwa na mapigano ya koo mbalimbali.
Mila hiyo imesababisha hali ya ulinzi na usalama mkoa ni mara kutokuwa shwari na kutoridhisha kutokana na matukio ya mara kwa mara ya mauaji ya kiukoo, wizi wa mifugo, ujambazi wa kutumia silaha na biashara ya madawa ya kuelevya hususan kilimo cha Bangi.
Wazee wa Kimila Mkoani Mara ndiyo viongozi na waamrishaji wa mapigano ya koo yanayondelea, ambapo wazee hao hunufaika na mapigano hayo kwa kupata mgao wa mali zilizoporwa katika mapigano.
Waziri wa Mambo ya Ndani ya Nchi, Lawrance Masha anasema kuwa mila na desturi za baadhi ya makabila zinachochechea mapigano baina ya vijana wa koo moja na koo nyingine vitendo ambavyo vimekuwa vikiheshimika miongoni mwa jamii hizo kuwa ni vya kishujaa.
Waziri Masha anasema kuwa wazee wa kimila wamekuwa viongozi na waamrishaji wa mapiganmo hayo ambapo wamekuwa na maradaka makubwa katika Koo zao na hutoa adhabu kali kwa vijana wanaokwepa kushiriki mapigano.
Waziri Masha anasema kuwa kutokana na hilo, hadi sasa hali ya ulinzi na usalama katika mkoa wa Mara si ya kuridhisha kwa kuwa kumekuwa na matukio ya mara kwa mara ya mauaji ya kiukoo, wizi wa mifugo, ujambazi wa kutumia silaha na biashara ya madawa ya kulevya hususan kilimo cha bangi.
Anasema kuwa matukio hayo yameenea katika wilaya za Tarime, Rorya na wilaya ya Musoma vijijini ambapo koo za hunyaga na Wamera na koo za Waanchari na Warenchoka na Wakira na Wanyabasi na Wairegi zimekuwa zikipigana mara kwa mara.
Masha anasema kuwa kilimo cha Bangi ambacho kimekuwa ni chanzo kikubwa cha uchumi kwa baadhi ya makabila katika mkoa wa Mara, pia kimekuwa ni chanzo cha mapigano hayo ambapo imekuwa ni kawaida kwa watu katika maeneo hayo kukodishwa na wakala kulima bangi na kulipwa fedha nyingi.
Anasema kuwa pale inapotokea kuwa mkulima wa Bangi aliyekodishwa hakufanikiwa kuvuna Bangi kutokana na Bangi hiyo kuharibika kutokana na ukame au kuharibiwa na vyombo vya dola, mkulima huyo hutakiwa kurudisha fedha alizopewa na wakala wake ambapo ili kupata fedha ya kurudisha, mkulima huiba ng’ombe za koo jirani na kuuza.
Waziri huyo anasema kutokana na mapigano hayo jumla ya watu 136 walifariki na zaidi ya 336 walijeruhiwa huku nyumba 2421 zikichomwa moto na kuacha zaidi ya kaya 756 zikiwa hazina mahali pa kuishi na vihenge 673 vya kuhifadhia mahindi kuchomwa moto katika kipindi cha kuanzia mwaka 2001 hadi machi mwaka huu.
Anazitaja hatua ambazo serikali imeshazichukua kuwa ni pamoja na kuifanya wilaya za Tarime na Rorya kuwa mkoa wa Kipolisi ili kukabiliana ipasavyo na matishio ya usalama, uhalifu na wahalifu.
Hatua nyingine ambayo Waziri Masha anaitaja kuwa ni ile ya serikali ya mkoa kupitia Tawala za mikoa na Serikali za mitaa (TAMISEMI), kufanya kampeni mbalimbali kwa kushirikiana na taasisi nyingine zikiwemo za dini, wanasiasa, wizara ya elimu na kushawishi wananchi kuachana na mapigano. Waziri Masha anasema kuwa mikutano ya ujirani mwema baina ya Vyombo vya dola vya Tanzania na Kenya inaendelea kufanyika ili kuimarisha mahusiano miongoni mwao, ambapo mapema mwezi.

HAYA AKINA MURA KAZI KWENU BWANA, IRA MUBADIRIKE ETI!

JAMANI, Ndugu zangu mnaombwa kumsaidia huyu mpendwa Anaumwa!

2009-04-21T04:01:00.000-07:00

MLEMAVU wa ngozi Mariamu Obedi (18)mkazi wa eneo la Nkhungu mjini Dodoma ameiomba Serikali pamoja na wanachi wamsaidie fedha kwaajili ya matibabu ya kansa ya jicho ili aweze kwenda hospitali ya Ocean Road ya jijini Dar-es-Salaam kutibiwa.

Ombi hilo alilitoa jana wakati alipokuwa akizungumza na mmiliki wa blog hii mjini Dodoma huku akilia kutokana na maumivu makali anayoyapata yanayosababishwa na uvimbe uliopo katika jicho lake la kushoto kuuma.

Alikielezea kuanza kuugua jicho hilo alisema kuwa kilitokea kiupele kidogo katika jicho hilo na hivyo kuanza kuvimba ikiwa ni pamoja na kumsababishia maumivu makali.

Mariamu alisema kuwa baada yakuona hali hiyo ikizidi kuendelea aliamua kwenda katika hospitali kuu ya Mkoa wa Dodoma kwaajili yakupata matibabu.

Mlemavu huyo wa ngozi (albino) alifafanua kuwa alianza kuumwa mwaka 2007 ambapo alipoenda katika hospitali hiyo ya mkoa wa Dodoma uongozi wa hospitali hiyo ulimwandikia barua aende hospitali ya Mvumi.

Alisema kuwa baada ya kwenda katika hospitali hiyo ya Mvumi pia walishindwa kumtibia na hivyo kumuandikia barua wakimtaka aende jijini Dar-es-Salaam katika hospitali ya Msasani ambapo alikwenda na kufanyiwa oparesheni na kupata nafuu.

Alibainisha kuwa baada ya kupata naafuu alirejea tena Dodoma anapoishi ambapo alikaa kwa muda wa mwaka mmoja ambapo ni 2008 na ilipofika mwaka huu hali hiyo ilimrudia tena na hivyo kulazimika kurudi tena katika hospitali kuu ya mkoa wa Dodoma.

Mariamu anafafanua kuwa alipofika katika hospitali hiyo alipimwa na hivyo kuonekana kuwa ana ugonjwa wa kansa ambapo anatakiwa kwenda hospitali ya Ocean road kutibiwa.

Hata hivyo ameiomba Serikali na watu wenye mapenzi mema ambao wataguswa na tatizo alinilonalo, kumsaidia chakula kutokana na mama yake mzazi Cahrerine Peter kutokuwa na uwezo hali ambayo inamsababisha kulala njaa licha ya yeye kunywa dawa kali na hivyo kumfanya kukosa nguvu kutokana na kukosa chakula.

KAMA UMEGUSWA KUMSAIDIA BINTI HUYU, TAFADHALI WASILIANA KUPITIA NAMBA HII' +255713358273, AU tumia akaunti hii 029201039794, NBC Bank Mazengo Branch.

Mungu akubariki sana.

Jamani ee wauza nyama Dodoma wametugomea tena wenzenu , tukitaka nyama mpaka twende Dar es Salaam!

2008-12-02T03:20:00.000-08:00

JAMANI mlioko ughaibuni huku wenzenu karibu na waume zetu wanagoma ndani ya nyumba sijui itakuwaje, baada ya migogomo kufanyika katika maeneo mbalimbali hapa nchini zikiwemo sekta nyeti kabisa, hatimaye wafayabiashara wa Ng'ombe na uchinjaji wamegoma kuchinja ng'ombe kwa muda usiojulikana, kwa maana hiyo Dodoma hatuli nyama tena hadi watakapoamua sijui itakuwa lini hiyo, hebu Jimuvuzishe hapa kwa habari zaidi!

Na Martha Mtangoo, Dodoma

12/2/2008

UMOJA wa wafanyabiashara wa uchinjaji Ng’ombe Dodoma, (UWANDO), wamesitisha huduma ya kuchinja Ng’ombe na kuuza nyama kutokana na kupandishwa ushuru katika machinjio ya kisasa na hivyo kuufanya mji wa Dodoma kukosa nyama kwa muda usiojulikana.

Wafanyabiashara hao wamepandishiwa ushuru kutoka sh 10,000 waliyokuwa wakilipa awali hadi kufikia sh 20,000 kwa ng’ombe mmoja kuanzia juzi.

Wakiongea na waandishi wa habari jana katika eneo la mnada wa mifugo wafanyabiashara hao walisema kuwa walikuta tangazo juzi katika machinjio ya kisasa kuwa kuanzia juzi wanatakiwa kulipia huduma ya uchinjai y ash 20000 kwa kila Ng’ombe.

Mwenyekiti wa UWANDO Taita Ikoyi, alisema kuwa baada ya kuona tangazo hilo walishtushwa na kuamua kusitisha uchinjaji wa Ng’ombe kutokana na gharama za uchinjai kuwa kubwa ikilinganishwa na bei ya mifugo ilivyo sasa.

“Sisi hatujagoma ila tumeamua kusitisha huduma ya kuchinja mifugo yetu na kupeleka nyama katika mabucha kutokana na bei ya ushuru kuwa kubwa, tunabebeshwa mzigo mkubwa sana tunaiomba serikali itufikirie na sisi wadau itupunguzie ushuru” alisema Taita.

Naye Katibu wa UWANDO, Charles Laizer alisema kuwa tangu kujengwa kwa machinjio hiyo ya kisasa wamekuwa wakilazimishwa kupeleka mifugo yao kwenda kuchinjwa katika machinjio hiyo jambo ambalo limekuwa likiwakandamiza mno.

Laizer alisema kuwa awali baada ya kuanzishwa kwa machinjio hiyo walielezwa kuwa kuna uchinjai wa aina tatu ambapo moja ya uchinjai huo ulikuwepo ule wa kawaida kwa wafanyabiashara ambapo walitegemea uchinjaji huo ungekuwa wa bei y ash 1500 kama ilivyokuwa hapo awali lakini imekuwa tofauti na matarajio yao.

“Kama hali yenyewe ndio hii ni bora manispaa ijenge machinjio nyingine yenye ushuru wa bei nafuu na sisi wadu pia tuko tayari kujenga machinjio yetu ilimradi serikali itueleze utaratibu ukoje”alisema.

Naye Kaimu Meneja wa machinjio hiyo Florian Tillya alikiri kupandishwa kwa ushuru katika machinjio yake na kudai kuwa hali hiyo imetokana na mwekezaji ambaye anamiliki macnjio hiyo kampuni ya ya uwekezajiNICO kwa pamoja na Ranchi ya taifa ya NARCO.

Tillya alisema kuwa wafanyabiashara hao walipewa taarifa ya kupandishiwa bei ya ushuru tangu tarehe 8 Novemba mwaka huu machinjio hiyo ilipobinafsishwa na kuwa ushuru huo ulitakiwa kulipwa tangu kuanzishwa kwa machinjio hiyo mwaka 2003 lakini serikali ilikataa na ilikuwa ikitoa ruzuku y ash 9000 na fedha zilizoba walikuwa wakilipia wafanyabiashara hao.

Alisema kuwa kupanda kwa ushuru huo kunasababishwa na gharama za uendeshaji wa machinio kupanda ambapo alisema kuwa bei ya mafuta, na mishahara ya wafanyakazi viko juu kwa hiyo mwekezaji ameamua kupandisha ushuru kuanzia Desemba moja.

Ends………

cha kusema sina ila nashukuru Mungu!

2008-07-04T03:03:00.000-07:00

"CHA KUSEMA SINA ILA NASHUKURU MUNGU"

Wasomaji sijui mwasemaje?

BAJETI 2008/2009, SERIKALI imeshindwa kupunguza bei ya mafuta!

2008-06-13T03:05:00.000-07:00

SERIKALI imeshindwa kupunguza bei ya petroli na dizeli katika bajeti yake ya mwaka 2008/2009, badala yake imewabana wavuta sigara na wanywaji wa bia na soda kwa kupandisha kodi ya bidhaa hizo.
Pamoja na kutoongeza ushuru katika bidhaa za petroli, bado wachambuzi wa masuala ya uchumi wanaona hali itaendelea kuwa ngumu katika sekta za uzalishaji na usafirishaji kutokana na kuongezeka kwa kasi bei ya nishati hiyo katika soko la dunia, hivyo wananchi kuendelea kuishi katika hali ngumu katika kipindi cha mwaka huu wa bajeti.
Bajeti hiyo pia imeongeza ushuru wa bidhaa katika huduma za simu za mkononi kutoka asilimia saba ya gharama ya matumizi ya huduma hadi asilimia 10. Kwa mantiki hiyo, gharama za matumizi ya simu zitaongezeka kwa watumiaji.
Akiwasilisha, mapendekezo ya Serikali kuhusu makadirio ya mapato na matumizi kwa mwaka 2008/2009 bungeni jana, Waziri wa Fedha na Uchumi, Mustafa Mkulo hata hivyo, alitangaza kufutwa na kupunguzwa kwa kodi kadhaa zikiwemo za pembejeo za kilimo na ushuru wa magari, gesi na mafuta ya viwandani.
Kwa mujibu wa bajeti hiyo, vinywaji baridi vimeongezwa ushuru kutoka Sh48 kwa lita hadi Sh54, bia inayozalishwa Tanzania ambayo haijaoteshwa imepanda kutoka Sh173 kwa lita hadi Sh194, bia nyingine kutoka Sh 294 hadi Sh 329 na mvinyo uliotengenezwa kwa zabibu iliyozalishwa nje ya nchi kwa kiwango kinachozidi asilimia 25, kutoka Sh940 hadi Sh1,053.
Bidhaa nyingine zilizopanda bei ni vinywaji vikali kutoka Sh1,394 kwa lita hadi Sh1,561, sigara zisizo na kichungi na zinazotengenezwa kwa tumbaku inayozalishwa nchini kutoka Sh4,775 hadi Sh5,348 kwa sigara 1,000; sigara zenye kichungi na zinazotengenezwa kutokana na tumbaku inayozalishwa hapa nchini kutoka Sh11,266 hadi Sh12,618 kwa sigara 1000, sigara nyingine zimepanda kutoka Sh20,460 hadi Sh 22,915 kwa sigara 1,000 na tumbaku iliyo tayari kutengeneza sigara pia imepanda bei kutoka Sh10,333 hadi Sh11,573 kwa kilo.
Aidha, serikali imefanya marekebisho ya kodi ya kima cha chini cha mshahara na kutangaza kwamba kuanzia sasa mshahara usiozidi Sh100,000 hautatozwa kodi. Awali, kima cha chini kilichokuwa hakitozwi kodi kilikuwa Sh80,000.
Hata hivyo, wafanyakazi wanaopata mshahara wa zaidi ya Sh720,000 wameongezewa kodi na sasa watalipa Sh120,000 kuongeza asilimia 30 ya kiasi kinachozidi Sh720,000.
Akizungumzia bidhaa zilizofutiwa ushuru, Mkulo alisema kwamba serikali imesamehe ushuru wa forodha kwenye majembe ya mkono pamoja na pembejeo nyingine zote za kilimo zinazoagizwa kutoka nje ili kupunguza mzigo wa gharama kwa wakulima hasa wale wadogo.
Alisema uamuzi wa kusamehe kodi hiyo upo katika mapendekezo ya marekebisho ya viwango vya Ushuru wa Pamoja wa Forodha yaliyojadiliwa pamoja na na nchi za Kenya, Uganda, Rwanda na Burundi katika kikao cha maandalizi ya Bajeti cha Mawaziri wa Fedha wa Jumuiya ya Afrika Mashariki kilichofanyika Juni 2, 2008 Jijini Nairobi.
Kodi nyingine iliyofutwa ni ya lami ambayo kwa mujibu wa Mkulo,
imelenga kupunguza gharama za ujenzi wa barabara, mafuta mazito yanayotumika kama nishati ya kupikia kama Moto Poa, gesi asilia iliyosindikwa na mitungi ya kuhifadhia gesi hiyo, kama ilivyo hivi sasa kwa gesi ya kupikia ya LPG, ili kuhamasisha matumizi ya gesi hiyo badala ya mafuta ambayo ni ghali, au mkaa ambao unaharibu mazingira.
Pia serikali imefuta Kodi ya Ongezeko la Thamani kwenye magunia yanayotengenezwa hapa nchini kwa ajili ya kuhifadhi nafaka na kutoa msamaha wa ushuru wa forodha kwa magari yaliyotengenezwa maalum kwa ajili ya ukusanyaji takataka yatakayonunuliwa na Serikali za Mitaa au mawakala walioidhinishwa na Serikali za Mitaa.
Mkulo alisema serikali imeondoa ushuru wa forodha wa asilimia 10 kwenye mafuta ghafi ya kula. Lakini mafuta yaliyosafishwa kidogo yataendelea kutozwa ushuru wa asilimia 10. Alisema hatua hiyo itaviweka viwanda vya mafuta nchini katika nafasi nzuri ya kiushindani na vile vya nchi wanachama wa Jumuiya ya Afrika Mashariki.
Pia imepunguza ushuru wa mafuta mazito ya HFO, kutoka Sh117 kwa lita hadi Sh97 ili kupunguza gharama za uzalishaji viwandani na kuongeza ushindani wa bidhaa za Tanzania katika soko.
Kuhusu kodi za magari, Waziri huyo alisema kwamba serikali imepunguza ushuru wa magari kutoka asilimia 10 kwa magari yenye ukubwa wa injini unaozidi cc2000 na kuwa na viwango viwili vya asilimia tano na asilimia 10.
Katika mabadiliko hayo, magari yenye ujazo wa injini usiozidi cc1000 hayatalipiwa ushuru wa bidhaa huku yale yenye ujazo wa injini unoazidi cc1000, lakini hauzidi cc2000, yatalipa ushuru wa asilimia tano ya thamani ya gari, na magari yenye ujazo wa injini unaozidi cc2000 yatalipiwa ushuru wa asilimia 10.
Mkulo alisema katika mwaka huu wa fedha, serikali inatarajia kukusanya Sh7,216,130 bilioni na kutumia asilimia 64 ya bajeti yote kushughulikia miundombinu ya uchumi na huduma za jamii.
Matumizi ya serikali kwa mwaka 2008/09 yatakuwa Sh7,216.130 bilioni ambayo ni jumla ya matumizi ya kawaida ya Sh4,726.650 bilioni na matumizi ya maendeleo ya Sh2,489,480 bilioni.
Alisema serikali pia imetenga fedha kwenye maeneo muhimu kwa kuzingatia vipaumbele na mipango ya kitaifa ambayo ni Elimu iliyotengewa Sh1.43 trilioni, Miundombinu ya barabara Sh973.3 bilioni, afya Sh 803.8, Kilimo Sh460.0 bilioni, maji Sh 230.6 bilioni na Nishati Sh383.4 bilioni.
Mbali na maeneo hayo pia kuna fedha zitakazotumika kutekeleza Mpango wa Kukuza Uchumi na Kupunguza Umaskini (MKUKUTA) katika nyanja za utawala bora, ulinzi na usalama, malipo ya madeni, pensheni na Bima ya Afya.
Waziri Mkulo alitaja kupanda kwa bei ya mafuta ya petroli, nafaka, pembejeo za kilimo na malighafi za viwandani kuwa changamoto zitakazoikabili bajeti ya mwaka huu ingawa serikali imejipanga vizuri kukabiliana na changamoto hizi.
Alisema ongezeko la bei ya bidhaa hizo limesababisha kasi ya mfumuko wa bei karibu katika kila sekta na kuvuruga masoko ya fedha ya kimataifa jambo ambalo limeathiri mtiririko wa vitega uchumi (FDI) kutoka nchi tajiri kuja nchi maskini
Changamoto nyingine ni kuongeza mapato ya ndani na kudhibiti kukua kwa haraka kwa bajeti ya kawaida, ili kuanza kujitegemea.
Alisema utegemezi wa bajeti kwa wahisani ni tatizo kwani michango na misaada yao haifiki kwa wakati hivyo kuna haja serikali kupunguza kasi ya kuongezeka kwa matumizi ya kawaida, hasa yale yasiyoweza kurekebishwa iwapo mapato yatapungua.
''Kwa hiyo, kunahitajika umakini mkubwa katika kuhimili athari za hali hii ya uchumi wa dunia. Hata hivyo, nchi zinazozalisha mafuta ya petroli zinategemewa kuendelea kunufaika na ongezeko la bei ya mafuta hasa kwa kuwa mahitaji ya nchi kama China, India na Brazil ni makubwa,'' alisema.
Hata hivyo, alisema serikali imeandaa mikakati kadhaa ya kukabiliana na hali hiyo ikiwamo kupunguza utegemezi kutoka asilimia 42 mwaka jana hadi asilimia 34 mwaka huu.
Alisema pia serikali itahakikisha upatikanaji wa nafaka ambazo bei zake zinapanda kwa kasi na kuathiri maisha ya wananchi na kusitisha usafirishaji nje wa bidhaa hizo, ikiwa ni pamoja na kuboresha miundombinu ya usafiri vijijini, ili kupunguza gharama za kusafirisha chakula hadi kwenye maeneo ya soko.
Alishauri kutumia ongezeko la bei ya chakula duniani kama fursa ya kuongeza uzalishaji wa mazao ya chakula nchini, kwa kuhimiza kuwekeza katika mashamba makubwa na kuhimiza wananchi walime chakula kwa wingi ili kujipatia chakula na kipato.

Lete maoni yako kuhusiana na Bajeti ya Serikali kwa mwaka mpya wa fedha 2008/2009 karibu saaaana!

JAMANI Sikujua kama ndugu zangu Wagogo tuna uchungu na mifugo namna hii!!! hebu soma hii halafu unipe jibu!!1

2008-04-02T03:54:00.000-07:00

MFUGAJI mmoja amekufa baada ya kunywa sumu aina ya Daimeko baada ya kukuta mkewe na mfanyakazi wake wakiwapiga ng’ombe wake.

Kaimu Kamanda wa Polisi mkoani hapa Michael Kamhanda aliwaambia waandishi wa habari ofisini kwake jana kuwa Mfugaji huyo Philemoni Mkunaa (35), alikunywa sumu hiyo baada ya kuona kuwa ng’ombe wake wanateswa.

Akielezea tukio hilo Kamhanda alisema kuwa siku ya tukio majira ya saa tisa usiku aktika kijiji cha Lamiti tarafa ya Mundemu wilayani Bahi, akitoka katika pombe Mkunaa alimkuta mkewe na mchungaji wake wa ng’ombe wakiwapiga ng’ombe hao ambapo aliwauliza kwa nini wanawapiga ng’ombe na kujibiwa kuwa wanawapiga ili waingie zizini.

Alisema kuwa baada ya kupewa jibu hilo mfugaji huyo alisema kuwa hawaoni kama wanavyowapiga ng’ombe hao wanawatesa na kama wanawatesa ng’ombe hao yeye atakuwa sumu ili afe.

Kamhanda alisema kuwa baada ya kuona bado ng’ombe wake wanapigwa Mkunaa aliingia ndani na kuchukua dawa aina ya Daimeko na kunywa na baada ya muda alianguka na kufariki.

Katika tukio lingine Jeshi la polisi linawashikilia watu wawili kwa tuhuma za kumpiga fimbo na kumuua mtu mmoja aliyejulika kwa jina la Yohana Chiloleti (16), mkazi wa kitongoji cha Makeweni wilayani Kongwa.

Kaimu kamanda Kamhanda alisema kuwa tukio hilo lilitokea majira saa moja jioni baada ya Chiloleti kuchungia ng’ombe karibu na nyuma ya watuhumiwa hao.

Kamhanda alisema kuwa baada ya watuhumiwa hao kuona chiloleti akichungia ng’ombe karibu na nyumbani kwao walimhoji nkwa nini anachungia hapo na ndipo alipowajibu kuwa kwani kuna tatizo gani ndipo watuhumiwa hao walianza kumshambulia kwa kumpiga na fimbo kichwani hadi kufa.

Aliwataja watuhumiwa hao kuwa ni pamoja na Sisemi Mgoya (15), na Semarungo Mgoya (17), ambapo wanatarajiwa kufikishwa mahakamani leo.

Ends………..

Heri ya mwaka 2008

2008-03-30T02:49:00.000-07:00

Nakuombeni saaana wapenzi wasomaji wangu jamani kwa kuwa kimya muda mrefu sasa, kwanza heri ya mwaka mpya! mimi niko safi sana majukumu tu ya kujiandaa kuwa mama ndiyo yananikaba lakini msijali nimerudi tena tegemeeni mambo mapya na mazuri na sasa yatakuwa ya kigogo zaidi si mnajua tena mtu kwao bwana wee na mkaa kwao mtumwa! nawashukuru sana wasomaji wangu ambao mmekuwa mkiwasliana na mimi na kutoa maoni na michango mbalimbali kwa ajili ya kuboresha web page hii, nakushukuru sana kakaangu George Kusila na wengine wote, karibuni mlango uko wazi napokea maoni yenu.

ALBADIR dhidi ya UbaBE BuNgeNI!!

2007-10-18T04:00:00.000-07:00

Baada ya ubabe ndani ya Bunge na kumuondoa Bwana Zitto Bungeni na Bunge kuvunjwa wale wote walio msakama na kumfanyia nyodo wamesha kutwa na haya yafuatayo;

Kwanza alianza Ruth Msafiri wa Muleba Kaskazini. Mumewe alipata ajali mbaya ya pikipiki na kukimbizwa Muhimbili na alifia hapo Mhuhimbili lakini haikutangazwa .

Baadaye Peter Selukamba akiwa anaendesha mwenyewe alinusurika kifo baada ya gari lake kuwa kama chapati yaani ile VX yake ya Ubunge na hadi sasa gari halitamaniki lakini akapona kuumia . Hawakuandika kokote wakafanya siri.

Siku hiyo hiyo Mbunge Malima akiwa anaendesha yeye mwenyewe akapata ajali pale uwanja wa JK Nyerere akanusurika kuumia lakini gari inahitaji matengenezo makubwa waandishi wa majira kimya hawajasema lolote . Baadaye akaja Mudhihiri wote mnayajua ya kwake.
Juzi kapata ajali mbaya sana ndugu Kumchaya Selemani wa Lulindi.Watu 2 wamekufa na yeye kanusurika .

We all have also heard about Juma Kapuya ……

Je hiki ni kitu gani ? Mungu kutupigania Watanzania ?

Je kwa nini vyombo vya habari visiandike? Au Albadir ilyosomwa na watu wa mwisho wa reli si mchezo!!!!!!!!!!!!!!!!!!!!!!!

Jamani waheshimiwa kuweni makini wakati wa kuongea maisha haya huwa mafupi pale yanapoanza kuwa matamu!

KUMUMUVUZISHA ZITTO KABWE KUMEMPANDISHA CHATI, SASA YUKO JUU

2007-08-18T03:13:00.000-07:00

KUMUMUVUZISHA Zitto Kabwe, Kumempandisha Chati, sasa yuko Juu!!!!!

Kama Wabunge waliounga mkono Mh. Zitto Kabwe asimamishwe walifikiri wanamkomoa, basi hali ni tofauti kwani wananchi kibao wamemuunga mkono.

Baadhi ya Wabunge wakichangia mjadala wa kumsimamisha walisema anatumia Bunge kujipatia umaarufu wa kisiasa kumbe wenyewe ndio wanampatia umaarufu kwa kumtimua.Wananchi wengi wamechukizwa na kitendo cha kumsimamisha Kabwe kwani wanahisi ni janja ya kuwafunga midomo baadhi ya Wabunge wenye nia ya kweli ya kufichua maovu.

Kuanzia wasomi wa Chuo Kikuu (Profesa Mwesiga Baregu, mhadhiri mwandamizi wa masuala ya siasa na ushirikiano wa kimataifa wa UDSM) wamesikitishwa na uamuzi huo wa Bunge.Prof. Baregu alisema kwa kitendo hicho, Bunge halikumtendea haki Kabwe, halikutenda haki kwa demokrasia na pia halikutenda haki kwa wananchi.

Alisema kumwadhibu mbunge huyo hakujaweza kuondoa ukweli kwamba kuna mikataba mibovu inayoingiwa na serikali na suala la Buzwagi ni mfano tu kati ya mikataba mingi mibovu iliyoingiwa, hasa ya madini.

Mwenyekiti wa Chama cha DP Mchungaji Christopher Mtikila pia ameungana na wenzake akisema Zitto hana kosa, adhabu aliyopewa ni uharamia wa demokrasia na suala ambalo kila Mtanzania anatakiwa kulitambua na kutotakubali kukaa kimya.

Naye Wakili wa Kujitegemea, Tundu Lissu, alisema adhabu iliyotolewa kwa Kabwe sio halali, huku akitaka mbunge huyo aruhusiwe kuendelea na vikao vyote vya Bunge.Akiongea kwa niaba ya Asasi za kiraia Lissu alisema ni bora Bunge likaeleza mbunge huyo amepewa adhabu ya ngapi ili wananchi walinganishe na kufahamu adhabu ambayo ilikuwa inastahili kulingana na kosa, kama analo.

Wengine waliohojiwa wamesema uamuzi huo ni sawa na kuwanyima haki wapiga kura wa Kigoma Kaskazini kwani watakosa mwakilishi kwa kipindi alichosimamishwa.Hivi sasa Mbunge huyo anawasiliana na baadhi ya wanasheria kuona uwezekano wa kukata rufaa Mahakama ya Rufaa kupinga adhabu hiyo.

Na katika kumwuunga mkono CHADEMA wanaandaa mapokezi ya Mbunge wao huyo pindi atakaporejea Dar akitokea Dodoma alikomuvuzishwa nje ya Bunge hadi Januari mwakani.

Huko Dodoma nako Wabunge wa upinzani wamekaa kikao cha dharura kutafakari cha kufanya baada ya mwenzao Kabwe kusimamishwa kuhudhuria vikao vya Bunge.Na katika kumuunga mkono Wabunge hao wa upinzani wamesema kuwa kila mwezi watakuwa wanamchangia karibu sh. milioni 1.5/- ili afanikishe kazi zake anazofanya za Ubunge.Katika adhabu aliyopewa Mbunge huyo atakuwa analipwa nusu mshahara hadi atakaporejea tena Bungeni kuendelea na vikao.

MLIOKO UGHAIBUNI WENZENU HUKU HALI NDIO IKO HIVI!!!!

2007-02-02T00:00:00.000-08:00

JAMANI HUKU WENZENU HATUSAFIRI TENA!

Huu ni Msafara wa Naibu Waziri wa Miundombinu Dk. Milton Mahanga ambao ulikwama katika eneo la Isuna Mkoani Singida wakati akikagua barabara ya Dodoma-Manyoni, Manyoni-Singida, huku hali ni mbaya sana jamani wasomaji wangu na hasa nyie mlioko Ughaibuni akina Macha Ndesanjo. zaidi ya shilingi bilioni 45 zinahitajika kukarabati barabara hizi ili kurudi katika hali yake ya kawaida.

Man of Many Talents- Daniel Arap Moi

2006-10-09T23:54:00.000-07:00

3. Moi Can Spin

1. Moi can Skate

2. Moi Can Roll With Fellas.

Kama Mnabisha muulizeni Michuzi!!!!

2006-08-01T03:16:00.000-07:00

WELCOME!!!!!
Nikikwwambieni Wasomaji wangu niko Bize naomba muamini na kama hamuamini mumuulize Michuzi, ilibidi tu tuipige ili kuthibitisha kauli yangu niiyoitia kijiweni, hapa ni katika viwanja vya Bunge, Blogaz. (Michuzi kushoto na Martha D. M).

HAPA NI MHESHIMIWA MBUNGE NDO KAVAA HIVI JE ALIPOKUWA PAPARAZI KAMA MIMI ILIKUWAJE?????!!!!!!!!

2006-06-12T05:19:00.000-07:00

MHISHIMIWA AMINA CHIFUPA MPAKANJIA(CCM)!!!!!!!
HAKI YA NANI, INASEMEKANA MBUNGE HUYU NDIYE ANAYEONGOZA KWA KUJIRUSHA KULIKO WABUNGE WENGINE AKIFUATIWA NA BIBIE HALIMA MDEE MBUNGE WA VITI MAALUM (CHADEMA). MBUNGE MWANAUME ANAYEPENDA KUJIRUSHA NA MWENYE UMRI MDOGO KULIKO WENGINE BADO SIJAMPATA KAMA KUNA MTU ANAFUNUNU HIZO BASI ANITONYE!

2006-05-02T06:02:00.000-07:00

Uhuru wa Vyombo vya habari Tanzania Bado ni Ndoto.

Kila mwaka Mei 03 Wanaharakati kote ulimwenguni husherehekea Siku ya uhuru wa Vyombo ya habari Duniani Swali ni Je uhuru huu hapa Tanzania upo au bado longolongo? jadili bila jazba wala upendeleo karibu!!!!!!!!!!!

hivi ndivyo mzee wa sumo na mwenzie walivyoumizwa na askari magereza walipoenda kukava raia wanavyoondolewa kwa nguvu kwenye nyumba zilizokuwa za atc na kununuliwa na magereza kule ukonga. kesi iko inanguruma mahakamani kwani askari jela waliohusika walishtakiwa. Picha na Issa (Michuzi)

2006-04-03T04:26:00.000-07:00

Amini! Gari ya hakimu iliyoibwa yapatikana!

Gari ya hakimu iliyoibiwaimepatikana eneo la Yombo Buza wilayani Temeke. Gari hilo limepatikana likiwa limeng'olewa Vipuri mbalimbali ikiwemo vyenye thamani ya sh. milioni 1.1.

Hakimu safari alisema kutokana na gari hilo kutokuwa na mafuta ya kutosha ndio sababu iliyowafanya wezi hao kuliacha gari hilo baada ya kuishiwa mafuta. Gari hilo linashikiliwa katika kituo cha polisi Chang'ombe na Polisi bado wanaendelea kuwasaka walioiba gari hilo!!!!!!!!! haya mnasemaje?????

2006-03-29T01:49:00.000-08:00

HAKI ya nani, yaani kweli wabongo sasa tumedata, hebu soma hii kwa makini halafu ufikirie itakuwaje! HAKIMU Mkazi wa Kisutu Jijini Dar Es Salaam juzi Mahakamani aliibiwa gari lake aina ya Suzuki Samurai wakaiti akiendesha Kesi.

Gari hiyo lina thamani ya sh. Milioni 3.5 na aliibiwa akiwa Bize na Masuala ya Kesi Mahakamani hapo.

Hakimu Safari aliibiwa gari hiyo yenye namba za usajili T867 ALA, ambali inadaiwa liliibiwa saa nne asubuhi baada ya hakimu huyo kufika katika eneo lake la kazi na kuegesha.

Baada ya kumaliza shughuli zake za kikazi mahakamani hapo hakimu huyo alitoka nje ya jengo la mahakama akiwa na funguo za gari hilo kwa nia ya kurejea nyumbani na ndipo alipogundua kuibiwa kwa gari hilo.

hakimu huyo alisema kazi kulitafuta gari lake limo mikononi mwa polisi baada ya kuropoti kwa mkuu wa makosa ya jinai (RCO), gODFREY nZOWA ambapo alipatiwa RB namba CD/RB/3147/06.

HII NI KALI KULIKO YA MWANDOSYA AMBAYE ALIVAMIWA KIWA BAA HIVI ALIYEIBA GARI HIYO AKIKAMATWA NA KUFIKISHWA MAHAKAMNI HAPO KWA HAKIMU HUYO ALIYEIBIWA GARI YAKE ANAWEZA AKAPEWA ADHABU GANI???!!!!! INATISHA.

Kweli Mjuu hamnazo! Waziri Mkuu atangaza kuacha ngono hadi uchaguzi umalizike!!!!

2006-01-31T01:56:00.000-08:00

ukishangaa ya Musa utastaajabu ya Silvio Berluscon, haki ya mungu !Waziri Mkuu wa Italia Bw. Silvio Berlusconi amewashangaza walimwengu baada ya kutangaza kuacha ngono hadi Aprili 09 mwaka huu baada ya uchaguzi wa inji hiyo kumalizika.

unajua nini mpenzi msomaji huyu sio kama hana akili ila ametoa changamoto kwa viongozi wote ulimwenguni kuwa serious na mambo magumu na hasa katika wakati mgumu wa uchaguzi kuacha kabisa masuala ya NGONO, ili kujua nini kinaendelea na kama huamini soma habari hii kwa lugha ya kisasa hapa chini.

Berlusconi 'in pre-poll sex ban'

Italian Prime Minister Silvio Berlusconi has surprised followers with an unusual pledge - to give up sex until after April's general election.

Mr Berlusconi, 69, reportedly made the vow at a campaign rally in Sardinia with a popular local TV preacher.

Father Massimiliano Pusceddu had praised him for opposing gay marriage and defending family values.

In remarks quoted by Il Giornale newspaper, Fr Pusceddu promised his support, prompting the PM's comments.

"I will try to meet your expectations, and I promise from now on, two-and-a-half months of absolute sexual abstinence, until 9 April," he said.

Jokes

Mr Berlusconi has been criticised in the past for using sexual innuendo and making sexist jokes.
Last June, the prime minister stunned the Finnish government by saying he had used his "playboy" charms to persuade female President Tarja Halonen to give up attempts to house the EU food agency in Helsinki.

And in 2003 he told US business leaders they should invest in Italy because it had "beautiful secretaries... superb girls".

Correspondents say the twice-married Italian leader sees himself as something of a ladies' man.

He left his first wife 27 years ago to marry glamorous blonde actress Veronica Lario, but there have been rumours in recent years of marital problems.

Ends.....

KWA STYLE HII, WABONGO MWAKA HUU TWAFA

2006-01-26T02:41:00.000-08:00

Hii ndio hali ya Bongo kwa hivi sasa, hakuna pesa hakuna mvua wala hakuna biashara inayofanyika zaidi ya biashara kujiozea na wauzaji kupumzika kwa staili hii ambapo ataamshwa na njaa kali ambapo atakuwa anahitaji menu hiyo hapo kulia, wakati mfukoni hana hata shilingi, jamani tufanye nini wenzenu twafa! tena twafa vibaya maana tutakufa bila ubishi, israeli atatukuta tumepumzika hii ikiwa na maana kuwa tutakufa bila kuugua wala kupata ajali, Ndugu zanguni tumwombe sana mungu atusaidie!!! (picha kwa hisani ya Issa Michuzi)

Hii ndio Hali halisi ya Wabongo!!!!!

2005-12-10T01:41:00.000-08:00

HII ndio hali halisi ambayo inatukuta wabongo wengi hapa kwetu, kagari kadogooo lakini watu kibao, utadhani marobota ya Pamba yanasafirishwa toka shinyanga kwenda Dar es salaam kwenye kiwanda cha kutengenezea Nguo.

halafu mbaya zaidi gari hii ikakosa mafuta na kuna watu wana haraka zao wengine wagonjwa, wengine wanawahi Benki kuchukua hela kwa ajili ya kununulia mahitaji yao na mbaya zaidi siku yenyewe ni ya Jumamosi ambayo ni nusu siku!

safari moja huanzisha nyingine, yalishamkuta Mgombea urais Mwanamke Pekee , Komando Anna Senkoro mara Wese si likamuishia!!!!!!!!!!!!!!!!! basi bwana akaanza kuchangisha fedha kwa ajili ya kununua Mafuta kama CHAMA CHA MADAKTARI WANAWAKE (MEWATA), wanavyoomba kuchangiwa fedha kwa ajili ya uchunguzi wa saratani ya matiti kwa akina mama!

sasa mbaya zaidi ni kwamba pamoja na gari hili kujaza watu kibao babaake! sheli hakuna wese wala nini ili kuepuka usumbufu kwa wafanyakazi kuulizwa mafuta yapo? wameamua kuweka Bango Kubwaaaaaaaaa, Eti NO FUEL! UNGEKUWA WEWE NI MMOJA WA ABIRIA KATIKA GARI HII UNGEFANYAJE?

Nakaribisha maoni, changia bila jazba wala upendeleo!

AKIFA Mwingine uchaguzi si utafanyika 2006? Mrema naye Hoi kitandani!

2005-10-28T02:37:00.000-07:00

TUME ya Taifa ya Uchaguzi (NEC), jana imetangaza kuahirishwa kwa uchaguzi mkuu wa Rais, Wabunge na Madiwani kufuatia kifo cha aliyekuwa Mgombea urais Mwenza wa CHADEMA kufariki dunia.

NEC imetangaza tarehe mpya ya uchaguzi kuwa nui Desemba 18 mwaka huu kuanzia saa 1.00 asubuhi hadi saa 10.00 jioni.

nilipopata tarifa hizo jana nilishtuka sana kwa maana kwanza huyo mgombea mwenyewe ukweli nilikuwa simfahamu kabisa kwa jina wala kwa sura, ushanipata bwana?

unajua kitu gani kimenishtua ni hiki: uchaguzi umeahirishwa hadi Desemba 18 mwaka huu, eti mpaka CHADEMA wateue mgombea mwenza mwingine wamnadi halafu ndo watu wampigie kura!

unajua inachekesha sana, panapochekesha ni hapa: huyo marehemu mwenyewe ni watu wangapi walikuwa wanamfahamu? na je huyo atakayeteuliwa atapa kura ngapi?

haya muda nao sasa akifa mwingine itakuwaje? maana mrema naye ambaye ni Mgombea Urais kwa tiketi ya Chama cha TLP ni mgonjwa hoi bin taaban kitandani! kwa kweli tume imenichanganya sana.

kwanza wagombea wenyewe wamechoka na kampeni, lakini pia hata sisi wananchi pia tumechoka, cha msingi sasa ni mara bunge litakapopatikana itabidi libadilishe sheria zote zilizopitwa na wakati ikiwemo hii sheria ya uchaguzi ya mwaka 1985 maana imenichefua sana.

zisiporekebishwa Serikali yenyewe itajikuta siku moja inajifunga na sheria iliyotunga yenyewe na mbaya zaidi mpaka sasa jumla ya sh. bilioni 43 zimeshatumika kwa ajili ya maandalizi ya uchaguzi, ambapo jumla ya sh. bilioni 93 zimetengwa kwa ajili ya uchaguzi huo ambao sasa utafanyika Desemba 18.

Mimi nimechoka sana na siasa za inji hii sijui nyie wenzangu mnazionaje?

Kha! Kumbe Nchi Imeshaposwa? Wenye Nchi tunafanyiwa Kicten Party Sasa!!

2005-10-13T02:14:00.000-07:00

HAKI ya Mungu sasa Tanzania tunakoelekea kubaya sasa, Ni jana tu nilikuwa nasoma Blog ya Bw. Msangi nikakutana maoni ya Watu wengi sana kuhusiana na Matunda ya Uhuru ambaye kwa sasa yamegeuzwa Matundu ya Uhuru!

kilichonishtua zaidi baada ya kusoma maoni ya msomaji mmoja ambaye alisema kwa sasa Tanzania imeshatolewa Posa na Wawekezaji toka nje ya Nchi ambao kabla ya kuioa Tanzania bado wanaifanyia Kitchen Party!

Mbaya zaidi waowaji hao wanakuja na mashartimagumu sana kwa waolewaji jambo ambalo linawakandamiza sana waolewaji lakini cha kujiuliza ni hiki je ni Kweli Tanzania haina uwezo wa kutafuta vitendea kazi vyenye ubora wa kimataifa na kufanya kazi zake yenyewe na kuwauzia haoa hao wanajiita wawekezaji?

Najisikia hasira sana ninapoona Mkurugenzi wa Mgodi wa Dhahabu wa Geita ni Mzungu wakati kuna watanzania ambao wana uwezo wa kufanya kazi hiyo ya Ukurugenzi katika Mgodi kama huo.

Sasa sisi watanzania ambao tunafanywa Mali Ghafi tufanye nini ili Tusikandamizwe na hawa waowaji wenye masharti Makali namna hii?

Mzee wa Miaka 85 kuhutubia Umoja wa Mataifa, Yuko Darasa la Pili

2005-09-11T00:29:00.000-07:00

AMA kweli Elimu haina Mwisho, kwa hili unaweza ukaamini kwamba ni kweli sasa hii ni karne ya Sayansi na Tekonoljia na Si zama za mawe za Kale.
Enzi za ujana wetu miaka ya 47 hakukuwa na kitu kama hiki na wala utamaduni kama huu haukuwepo wa kikongwe kusoma ete anaanza darasa la kwanza akiwa na miaka 84 haya ni maajabu! tena ya Musa.
sasa hebu hapa uhondo kamili hapa

Nikusikie tena unatishia watu Amani!

2005-08-20T01:56:00.000-07:00

Inasemekana Vyama vya upinzani vinafanya fujo makusudi kutokana na wagombea wa Vyama hivyo kujua kuwa havitashinda katika uchaguzi Mkuu ujao.

Lakini kwa mujibu wa Wachunguzi wa masuala ya Siasa wanasema kuwa ni katika kujitetea tu ndio maana vyama hivyo vinafanya hivyo,

Je wewe Msomaji wa Blog hii una maoni gani? unafikiri ni kwa nini inakuwa hivyo? weka maoni yaklo hapa ili unisaidie kuelewa ni kitu gani kifanyika na kwa malengo hani hasa, unakaribishwa kuweka hoja zako bila jaza wala upendeleo wa aina yoyote.

Karibuni.

2005-08-16T00:34:00.000-07:00

Ni kama anasema "Ndejembi Mwenzio najisikia Kizunguzungu nisaidie ninyanyuke hapa nisije nikaanguka!" Huyu Makamu Mwenyekiti wa CCM na Muasisi wa CCM Mzee Rashid Mfaume Kawawa ambaye jana alishindwa kuendelea kuhudhuria Mkutano Mkuu wa CCM almaarufu NEC kutokana na kuugua ghafla akiwa ukumbini. Mzee tunalkubali mchango wako saaana lakini pumzika sasa umechoka he! unataka kufa kishujaa?
Kwa habari zaidi Soma hapa.

HAYA TENA MABLOGST WANAZIDI KUONGEZEKA!!!!!

2005-08-03T00:51:00.000-07:00

Ni waandishi wa Habari tu tena toka Dodoma, huyu nae ni Mpiga Picha wa ITV Dodoma naitwa Twaha kivale, Bonyeza hapa umsome.

Si Ulitaka Chai! Iweje ulalamike Unaungua?

2005-08-02T02:35:00.000-07:00

Baada

Haya Jamani tukiambiwa tuache kunywa Chai kavu tunang'ang'ania Tu na Matokeo yake ndo haya Tunaungua, Kunywa chai na Vitafunio hata ikiwa ya Moto Kiasi gani huwezi Kuungua kama ilivyomuunguza marehemu Mrembo Huyo ambaye alikuwa akisoma Chuo Kikuu cha MOI huko Nchini Kenya.

Alipojijua kama ameambukizwa Virusi ya Ukimwi akaahidi Kulipiza Kisasi kwa yeyote ambaye atakatiza Machoni Mwake na alifanikiwa kuambukiza Jumla ya Wanaume 124 nchini humo ambao waliopona ni 6 kwa kuwa walimua kunywa chai na Vitafunio.

Kabla alikuwa Mrembo sana kama anvyoonekana katika Picha ya Chini
Nawaombeni sana Radhi Wapenzi wasomaji wa Blog yangu, kwa kuchapisha Picha ya Kutisha namna hii hii inasababishwa na Mimi kuguswa sana na Tukio hili.
Kunyweni Chai na Vitafunio Jamani la Sivyo Tutaungua!

KHA! Akina dada Tumelaaniwa au?

2005-07-27T01:51:00.000-07:00

NAJUA, kuwa kila mtu anayetyembelea Web Page yangu anafahamu kuwa ni nini naongelea zaidi katika kila kurasa.

Sasa hili nililokutana nalo linaniytia uchungu sana, inaniuma sana ninapoona akina dada wenzangu wanafanya mambo ya ajabu wakati wamejaaliwa kila kitu yaani wamekamilika kila Idara.

Hebu angali sasa ni nini hiki? inaiuma sana kuona akina dada hatujithamini kabisa miili yetu, eti siku wanasema wapewa bure na lazima wapewe bure wewe usijidanganye kwa hilo na ulaaniwe.

Huyu ukimuuliza ni nini anafanya hapo atakwambia yuko kazini lakini hiyo kazi yako ya kucheza shoo ukivaa vizuri mbona itanoga tuuu? kilichomsibu sasa Soma hapa chini.

Mr Nice nusura amtwange mnenguaji wake!

MWANAMUZIKI mahiri katika miongoko ya Takeu ya kizazi kipya Lukas Mpenda almaarufu Mr Nice Ijumaa iliopita alimkwida mnengaji wake aliyetambulika kwa jina la Mpasi Mussa nma almanusura angemtwanga makonde.

Tukio hilo lilitokea kwenye ukumbi wa Diamond Jubilee, jijini Dar es Salaam wakati wa uzinduzi wa bendi ya Msondo Ngoma Music ambayo zamani ilikuwa ikiitwa OTTU Jazz. Mr Nice alimkunja mnenguaji wake akionekana kapndwa na hasira kitendo kilichofanyika nyuma ya jukwaa la ukumbi huo uliokuwa umehudhuria na mashabiki wengi.

Mr Nice alizua tafrani hiyo kwa madai kwamba mnenguaji wake huyo alikosa nidhamu kwa kudai pesa yake kwa utaratibu aliodai haukuwa wa heshima. "Inabidi nikuonye kutokana na utovu wa nidhamu ulioufanya, nakuonya kama mdogo wangu," alisikika akifoka Mr Nice.

Hata hivyo menguaji huyo aliomba msamaha na ndipo Mr Nice alipomwachia huku akisikika akimwambia: " Mimi sipendi kufanya kazi na watu kama nyinyi, sitaki kuwa pamoja na wewe kwa sababu umenidhalilisha."

Acha kazi kwani lazima ucheze Shoo? anza hata kuuza Vitumbua au Maandazi ukiwa na Msimamo maisha yatakunyookea mwenyewe utashangaa huwezi kuamni.

Haya kila la Kheri

Wizara Nyeti ambayo Waheshimiwa Wabunge hawaifahamu!!!

2005-07-18T05:01:00.000-07:00

WAZIRI WA MALIASILI NA UTALII

WIZARA ya Maliasili na Utalii ni Wizara NYETI ambayo watu wengine bado hawajatambua Unyeti wa Wizara hii, inaniuma sana.

Nafikiri kila mtu anajua ni kwa nini hilo linaniuma saaana, Utamaduni wetu watanzania ni pamoja na mali ya asili ambayo ni Misitu na hifadhi za wanyamapori.

Naumia sana kwa maana Utalii ni pamoja na Wanyamapori, Milima, Maziwa na Mito ambayo ipo hapa Tanzania.

Sasa hebu fikiria kinachonisikitisha zaidi ya yote ni kwamba hata Waheshimiwa Wabunge wenyewe wa Bunge la Jmhuri ya Muungano wa Tanganyika na Zanzibar (TANZANIA), hawajui kabisa kuwa Wizara hii ni Nyeti.

Utajuaje kama hawajui kuwa Wizara Nyeti sio Nyeti, ni hivi kwanza Wizara hii haina msaidizi kabisa, Mwanamama ZAKIA HAMDANI MEGHJI anafanya kazi Mwenyewe kama Waziri wa Malisili na Utalii.

Ni kwamba wabunge walishindwa kushinikiza kuwa Wizara hiyo Nyeti iwe na Msaidizi yaani hapa naamnisha kuwa Wizara hiyo haina naibu waziri.

Mama huyu pamoja na kutokuwa na Naibu Waziri kama ilivyo wizara nyingi tu ambazo zingine zina manaibu Waziri watatu kama ilivyo Wizara ya Fedha anafanya vizur sana.

Angalia Watalii wameongezeka kutoka 295,312 mwaka 1995 hadi kufikia 582,807 mwaka 2004, hii ikiwa ni wastani wa ongezeko la asilimia 10 kwa mwaka.

Hali kadhalika mapato yatokanayo na utalii yameongezeka toka dola za kimarekani milioni 259.4 mwaka 1995 hadi Dola milioni 746.0 mwaka 2004 mabpo mpaka mwaka huo Sekta hiyo ilikuwa imetoa ajira kwa watu wapatao 199,000.

Sasa kwa nini mama huyu ambaye anautangaza utamaduni wa Mtanzania nje ya Tanzania asiwe na Msaidizi? Haya nikisema utasikia ooh wanawake bwana wanataka dezo hatutaki dezo na kazi tuweza sana, Hongera sana Mama Meghji kwa kazi nzuri.

Lakini ni vyema Serikali ya awamu ya nne ikazingatia ushauri huu kuipatia Naibu Waziri wa Maliasili na Utalii kwa kuwa hii ni Wizara Nyeti kama zilivyo wizara nyingine ikiwezakana atoke Wizara ya Fedha azibe nafasi hiyo.

Angalia utalii wa Tanzania hapa uvayotangazwa bila upendeleo hiyo ikiwa ni kazi ya Mwanamama na mwaka huu anagombea hataki viti maalum tena!!!!!!!

Inapofikia hatua Mtoto Anazaa Mtoto Mwenzie!! What has become of mankind?

2005-07-11T07:45:00.000-07:00

Ama kweli sasa tulipofikia ni Karibu na Mwisho, Hivi Yesu atarudi lini? kila mtua ana majibu yake wengine wanasema alisharudi wengine wanasema arudi kufanya nini yote Kheri lakini na tumuombe sana atausaidie kuelewa.

Hii ni picha ya Mtoto mwenye umri wa miaka 10 tu! wa Wilaya ya Kericho Nchini Kenya, kila mtu atauliza sasa kma wa Kericho Nchini Kenya si tufanyaje, Sikiliza ni Mtoto wa miaka 10m ambaye miezi michache iliyopita alikuwa akicheza na wenzie michezo mbalimbali akirudi Nyumbani anaogeshwa lakini sasa amekuwa mama wa Mtoto Jamani tunaenda wapi?!

Kinachoniuma zaidi ni kwamba Baba Mtu mzima ana akili zake ameamua kumfanyia hivi huyu mtoto mdogo ambaye ni sawa na mwanaye wa kumzaa jamani inatia uchungu sana sijui ni wapi tunaelekea Mungu tusaidie kuelewa nini Tunatenda.

Inauma sana, inakatisha tamaa, hebu fikiria mtoto mdogo namna hii anamnyonyesha mtoto mwenzie amezaa anaweza kulea? anaweza kujua iwapo leo mwanangu anaumwa sasa nimpeleke Hospitali? wewe Baba Jitu Zima umemtafutia matatizo ambayo yanamfanya mtoto anaingia katika kitabu cha historia wewe umepumzika.

Ukimuuliza alikuwa anatafuta nini kwa mtoto mdogo tena bado ananuka Shombo kali madai yake mtoto mdogo hana Ukimwi, hatakuwa na ukimwi wakati mizee mizima inataka watoto wadogo?

Na Walaaniwe wote wenye tabia mbaya inayomsababishia mtoto mdogo matatizo katika Siku zote za Maisha yake.
Unakaribishwa kuchangia Bila Jabza wala Upendeleao wa Kijinsia Karibu.

What has become of mankind?

This is a picture of a 10 year old lovely school girl,from the Kericho District in Kenya.
What makes her sospecial? With her whole life ahead of her, a wonderful futureto strive for an education and to move into her teenyears and have fun playing with her fellow girls,children of her own age, she is not playing withdolls.
She is handling the real thing. She has becomea Mother.
Definitely there is a Man somewhere who is to blame!What has become of mankind?People have no fear of the Creator, the Most Merciful,the most Benevolent.
Are we coming to the end?

Kwa Nini Sisi Tuweze tuna Nini na Nyie mshindwe mna nini? Mnannisikitisha sana, nyingine mpya hii hapa!!!!!!

2005-07-05T01:02:00.000-07:00

NASIKITIKA sana kuona eti asilimia 95 ya Mablogist wa Kiswahili ni Waandishi wa Habari kwa nini lakini?

Mbona mnaifanya mioyo yenu kuwa migumu jamani, Kublog kiwahili sio dhambi, na kama siyo dhami haiwezi kuleta mauti zaidi ya kukupatia faida jamani kwa nini?

kama mnadhani mimi muonugo Fungua Blog nyingine hii hapa www.ngurumo.blogspot.com uone nini kunaendelea.

huyu anaitwa Ansbert Ngurumo ni Mwandishi wa habari Mwandamizi na Nzuri zaidi ni Mhariri wa Gazeti la Tanzania Daima Jumapili, kwa nini basi Madaktari, Maprofesa au hata Wakulima ambao vijiji vyenu vinaendelea mshindwe kuanzisha Blog zenu jama?

wala haihitaji fedha kwa ajili kuanzisha na kumiliki Blog, nawaombeni jamani Bogo si kwa ajili ya Waandishi wa habari ni kwa yeyote Mwenye nia ya kumiliki. msiogope jamani tafadhali msiogope.

Junior naye Eti anasikiliza Nyeti ya Wagosi

2005-07-03T01:12:00.000-07:00

WATOTO ni rika moja ambalo asipolelewa vyema basi ama atafanya maajabu ama madudu katika ulimwengu huu.

lakini pia utandawazi unaharibu sana watoto katika ulimwengu huu ambao wataalam wanauita ulimwengu wa Sayansi na Teknolojia.

Sasa Hebu angalia Junior anasilikiza Music naelewa kweli halafu mziki wenyewe wa Wagosi wa Kaya, unaitwa 'NYETI'.

HIVI KWELI TUTAFIKA JAMANI?

MwabaBlog Mwingine aongezeka

2005-06-28T04:30:00.000-07:00

Tunazidi kupasua anga, mwanablog mwingine aongezeka, anablog Kiswahili, Shadrack Sagati

Mila Hii itawamaliza Wamasai 'Katatumaliza Jamani'

2005-06-20T02:49:00.000-07:00

WAMASAI ni kabila moja kubwa sana, na ni kabila moja ambalo limekuwa likijitahidi kuenzi na kudumisgha mila na Destutri ya kabila hilo hapa nchini.

Licha ya kufanya hivyo wa mila zao wamekuwa wakidumisha kwa staili ya ajabu hebu kaa mkao wa kula ushangae ya Musa.

MILA hii katika kabila la kimasai inawalenga vijana ambao wamekwishaoa ambao rika lao linaitwa MORANI.

MILA hii iko hivi yaani MORANI wa kimasai anapojisikia kufanya Ngono anakwenda katika nyumba yoyote ambayo ni kijana mwenzee mwenye mke.

Kabla hajaingia ndani ya Nyumba hiyo anachomeka Mkuki wake mlangoni halafu akiingia ndani anamkuta mama mwenye nyumba wanaanza kufanya Mapenzi.

Kila mtu anajua kuwa umasaini hakuna mipira ya Kiume yaani (condoms) wanashughulika bila kutumia zana ya aina yoyote hapa.

wakati wakiwa ndani wanafanya mambo hayo Baba Mwenye Nyumba akija anakuta Mkuki uko nje ya Nyumba yake anachofanya ni kuondoka zake na kuwaacha Adam na Eva wanafaidi Tundi.

Unajua akitoka hapo anakwenda wapi? akitoka hapa na yeye anakwenda katika Nyumba nyingine ambayo ana uhakika akienda atafanya kile ambacho mkewe anafanyiwa anafika anachomeka Mkuki nje anaanza kuvunja amri ya sita bila zana!!!!!!!!!!1

Sasa fikiria ni wamasai wangapi wapo Jijini Dar Es Salaam wanafanya kazi ya Ulinzi na wafanya Ngono na machangudoa wa kule Kinondoni kwa pesa ambazo wanapata.

Wakirudi umasaini wanagawa Virusi bila kujua kuwa wanavimiiliki ndani ya miili yao kwa wake wa wenzao ambao nao watavipata bila kujua kwa wake wa wenzao.

Kamchezo kazuri sana lakini kamejaa rafu za ajabu, yani hakuna refa wala mshika kibendera na mbaya zaidi hakuna hata wale wahudumu toka msalaba Mwekundu (RED CROSS), yaani ukichezewa rafu hakuna cha huduma ya kwanza wala nini!

Sasa kama tukidumisha Mila zetu kwa staili hii ni nani atabakia katika Tanzania hii ambayo uchumi umekua kwa asilimia 4?

Wakati umefika sasa tubadilike kuendana na Karne ambayo sasa ni Sayansi na Teknolojia na hatuko kabisa katika Zama za Mawe za Kale ati ee.

NGO's, CBO's na Serikali hebu iangalie suala hili kwa ukaribu zaizi katatumaliza haka ka UKIMWI jamani kwa kudumisha mila kwa sataili hii.

Sina hakika kama TACAIDS wana habari hii hebu walifuatilie basi hili jamani.

TAKE CARE!

Kwa nini wasanii hawa washike mbele tu kunani? mnamfundisha Junior tabia Mbaya..

2005-06-03T09:09:00.000-07:00

OO! mziki wa kizazi kipya unakua! unakua kwa vigezo gani? hebu anganlia mambo yanayofanywa na wasanii hao halafu uchangie unakua kwa vigezo gani na kiwango kipi!

kwa nini iwe mbele tu? na siyo Kwenye mataa ya Koo? kwa nini washike mbele tu tena kwenye nanihii na isiwe mgongoni au kuyakumbatia kabisa mabega?

kwa nini wasanii hawa hupendelea kushika sehemu za siri na kuziminya kana kwamba zimewakosea kwa kiasi kikubwa na wanatoa adhabu?

ndivyo mziki wa kizazi kipya unavyokua kwa kufanya mambo ya ajabu ajabu tena kwa kuiga toka kwa akina P. Diddy na wenzie kina Snoop DogDog.

Ina maana akina P. Diddy wakila V-nye-C na wao watakula vya kwao? hayo si ndo mambo ya kuiga? si twaigan kila kitu toka magharibi? Wao washike nasi tushike ? wao wakisema Maza faka nasi twasema baza faka!

wakitembea mataa ya koo nje nasisi tutembee mataaa ya koo wazi eti tu kwa kuwa P. Diddy kaacha yake nje? utamaduni huu umeanza lini kwetu Tanzania?

Mjinga atakwambia huu ni ushamba, kwani mkiimba huku mnapeperusha mikono kama mnataka kupaa mbinguni bila kuipeleka kusini mziki hautachezeka?

Si mshike basi hiyo maiki kwa mikono mikono miliwi? mbona kuna staili nyingi tu za kucheza vizuri bila hata ya kumsumbua huyo jamaa?

kama mmeshindwa kubuni staili nyingine ni bora tu muwe wastaarabu kama mnacheza ngona ya Mganda maana hii ndiyo asili yetu watanzania.

huu ni ushauri wa bure kwenu nyie vijana wa vizazi vipya, kama hamtaki mtajiju, na kushikashika kwenu huko WALAH! mtajikuta siyo ridhiki!

Mnadhani huyo jamaa anapenda kuchezewa ovyo? Mazingira, tamaduni na makuzi yetuhayako hivyokizazi kinateketea kimaadili huku wanajua kuwa wanayoyafanya si mema machoni pa watu.

makabila mengine wanapoona mnashika hivyo kwao tafsiri yao ni matusi makubwa ya nguoni sasa mnafikiri watakuja hata kwenye hayo matamasha yenu watukanwe?

Badilikeni basi vijana wenzangu kwa kuwa huo mziki wenu hata mimi naupenda sana lakini naogopa kutukanwa pale mnaposhika chini, acheni kumfundisha Junior Tabia mbaya.

wasanii wa kizazi kipya na kile cha zamani bila kuwasahau wasomaji wote mnakaribishwa kutoa maoni yenu bila jazba wala upendeleo wa aina yeyote karibuni sana!

2005-06-01T08:44:00.000-07:00

Kutoka Ugogoni

Hii ndio asili halisi ya Jina 'MATONYA'

2005-06-01T08:40:00.000-07:00

AGWEE! MATONYA ta uze ahano luluhaba ukuchemwa siukusaka kuza, Sunheee!
WEE MAMVUA hebu njoo sasa hivi kwa nini unaitwa hutaki kuja? fanya haraka!

Jina la matonya ni maaruu sana hapa nchini watu wengi wakitajia matonga huwa wanahamisha mawazo yao na kufikiria mkoa wa Dodoma yaani naanisha UGOGONI!

Matonya ina maana kubwa sana na hasa wale wenyeji wa mkoa wa Dodoma wanalifahamu hili kwa sana! yaani wanajua kuwa kama hakuna matonya lazima mwaka huo kutakuwa na njaa.

Matonya ni mvua nyingi za masika mabzo zinanyesha kwa fujo katika kipindi cha msimu wa mvua husunani katika mikoa ya kanda ya kati.

Ni kipindi cha masika yaani mvua zilikuwa zinanyesha kama hazina akili nzuri vile.

Na mara nyingi watu wa majina haya huwa ni wanaume ambao ni akina matonya, lakini kwa upande wa wanawake waliozaliwa katika kipindi hiki huitwa 'Mamvula' yaani mamvua.

Agwe Leche Duh! wala sijakutukana naanisha wee acha tu! watu wenye asili ya majina haya hutokwa sana na jasho katika muda wote wa maisha yao.

Hutokwa na jasho katika wakati wa baridi na hata wakati wa joto wao hutokwa na jasho, awe mwembamba au mnene yeye anatoka jasho kwenda mbele yaani kwa ufupi hutaniwa kuwa wana afya sana.

Sasa nafikiri mpaka hapa kila mtu ameshaelewa nini maana halisi ya jina hili kwa kuwa kila jina lina maana yake watu wengi wamekuwa wakiyakataa majina yao ya asili na kusahau kuwa huo ni utukufu wa kimila.

Jivunie kabila lako kqwa kudumisha mila ili upate baraka na heri nyingi duniani!

JIFUNZE KUBLOG MTANDAONI

2005-05-31T01:22:00.000-07:00

KWA YOTE HAYO BONYEZA hapa

Kusoma nje ya Nchi sio lazima usafiri nje ya nchi yako!

2005-05-31T01:18:00.000-07:00

HAYA jamani kwa wale waliokariri kusoma nje ya nchi mpaka upande usafiri kwa kupanda ndege na kwenda marekani au Uingereza hapana.

Unasoma nje ya nchi wakati uko ndani ya nchi, na unapata Digree kwa muda wa miezi michache kama alivyonena kaka yangu hapa Bw. R.s Miruko.
kama unabisha bonyeza hapa.

WANAWAKE BWANA...........! YAANI AKULETEA VIRUSI NA UNAVIPOKEA KWA MIKONO MIWILI

2005-05-28T09:17:00.000-07:00

KAMA mkeo au mpenzi wako anatoka nje ya ndoa na unajua kabisa yaani una uhakika utafanya nini?

Jibu la swali hili kwa wanaume wengi litakuwa ni lenye kuashiria maumivu kwa upande wa pili.

kwa vipi sasa?

jibu linaweza kuwa nitamwacha hapahapo au nitamwua ama tutakufa wote mimi na yeye, hayo yanweza kuwa majibu toka kwa mwanaume ambaye amefahamu hilo.ni amjibu ambayo ni ya kishujaa eh!

iwapo mwanamke angeulizwa swali hili unadhani angelijibu vipi?

bila shaka angelijibuhivi; 'nitaondoka au nitamkomesha huyo hawara yake ama shauri yake mwenyewe mimi si nitaendelea na maisha yangu' haya ni majibu muafa ya kinyonge eh!

kwa kawaida wanaume hawako tayari kusamehe kosa la kutoka nje linapofanywa na wake au wapenzi wao, ni wachache sana wanaoweza kusamehe.

sisemi kwamba hakuna wanawake ambao nao huchukulia kutoka nje kwa waume zao kama jambo lisilo sameheka, kiwango cha wanawake hao ni kidogo sana ikilinganishwa na kile cha wanaume ambao hawako tayari kusamehe uzinzi wa wake zao ama wapenzi wao.

wanaume saba kati ya kila kumi hutoka nje, tafiti zinaonyesha kuwa wanawake karibu watano katika kila kumi wanajua kuwa wanaume wao htoka nje lakini huwa hawana la kufanya, wameamua basi!

alkini wanawake wanane katika kila kumi wanajua kwamba waume zao wanatoka nje na wanachukua hatua za kupambana na hali hiyo wakiwa ndani ya ndoa zao, wakati ni mwanamke mmoja katika kila wanawake kumi ndiye huondoka kwenye ndoa ya aina hiyo. hii siyo taarifa nzuri kwa akina mama.

KUKUBALI kuishi kwenye ndoa ambapo una uhakika kabisa kwamba mwenzako anakwenda nje kutafuta kifo huku akikufuja kwa njia moja ama nyingine ni kujishusha sana, kuna wale wanaosema shauri lake kwa sababu wameshakubali kwamba wao ni watumwa wa hao wanaume bila kufikiria.

hivyo wana haki ya kupangiwa nao hata siku ya kifo, hapa wanawake na wasichana ni lazima tuwe macho na tuamke sasa tukiendelea kuishi maisha ya namna hii matokeo yake tutakuwa tunasubiria kuletewa virusi vya UKIMWI na tunavipokea kwa mikono miwili na badae tunakufa kwa ugonjwa wa Ukimwi kwa madai kuwa Mungu katutenganisha.

Wachungaji hawa walichunga sana Kondoo wa Bwana.!

2005-05-25T09:36:00.000-07:00

Eee baba Mungu wabariki hawa Nguchiro wafanikiwe kwenda kwenye adhabu yako ya milee wakiwa kama kuni katikakatika ya mafiga ili waungue vyema kutokana na kuudanganya uma kuwa wao ni wachungaji wa kondoo, AMEN.

TLP! Ni kaaazi kwelikweli.............!!!!!!!

2005-05-24T02:24:00.000-07:00

HAKI ya Mungu yaani Chama cha Tanzania LabourTLP kina mbwembwe kweli kweli! Zile za CCM ni cha mtoto wanawake sasa sawa na wanaume yaani wee acha tu.

ni kwamba hivi karibuni chama hicho kimemsimamisha mgombea mwenza wa urais mwanamke ambaye atakuwa akigombea nafasi hiyo na Mwenyekiti wa chama hicho Bw. Augustino Lyatonga Mrema mwezi oktioba mwaka huu.

basi bwana wamemsimamisha mwanake awe mgombea mwenza wa nafasi hiyo kwa madai ya usawa unazingatiwa katika chama hicho ambacho hivi karibuni tuu kimepata ruzuku baada ya msajili wa vyama vya siasa nchini Bw. Tendwa kutangaza kuwa anakitambua chama hicho.

lakini sasa huyo mgombea mwenza anavigezo vya kuwania nafasi hiyo?

kwa kuzingatia yafuatayo wenyewe mtasema kama vigezo anavyo ama laa!

* Je Ikulu ni Maabara ya kufanyia majaribio ya uongozi?
* Ikulu ni mahali patakatifu amejitakasa?
*kazi ya urais si ya kubeba zege Bongo yake inachemka?
*utamu wa komamamnga ni komamamnga lililokomaa, amekomaa?

Angalizo: USHUZI HAUZIMI MOTO! Mnakaribishwa kuchangia maoni yenu bila woga wala Jabza na kutopendelea kwa aina yoyote, karibuni sana.

Takrima ni tatizo la Kimaumbile

2005-05-20T01:28:00.000-07:00

Najua kila mtu ana hamu ya kulifahamu hili kwa undani kwa nini takrima iwe tatizo la kimaumbile ni maelezo machache tu hapa mda mchahe utakuwa umeelewa.

ni hivi ; kwa mujibu wa mila na desturi za kitanzania ni kwamba mtu anajikuta mwili unamuwasha kila anapokuwa anasalimiana na wenzake hapa naamanisha viongozi mbalimbali hapa kwetu tanzania.

hii inawatokea mara nyingi katika nyakati mbalimbali na hasa katika nyakati hizi ngumu za uchaguzi pale wanapojiandaa kutafuta kura katika kampeni zao.

anajikuta mwioli unamuwasha, anajikuna kwa staili ya kuingiza mkono mfukoni akitoa anatoa burungutu la pesa, anawagawiwia wapambe na wapiga kura akiwa hajitambui kabisa kuwa anawashwa anajikuna kwa staili ya aina gani.

akimaliza kujikuna anarudiwa na fahamu na kukumbuka kuwa alitoa burungutu la pesa na kuwagawia watu mbalimbali na kugunduia kuwa ametoa takrima, basi tena ndo matatizo ya kimaumbile na staili za kujikuna pale unapojisikia uanawashwa.

TAKRIMA NI TATIZO KUBWA SANA LA KIMAUMBILE SASA ANATAFUTWA DAKTARI BINGWA WA MAGONJWA YA NGOZI ASAIDIE KUTATUA TATIZO HILI KWA WATANZANIA KWA KUSHIRIKIANA NA TAKURU.

Itafika wakati hata Jogoo watawika Kwa Lugha ya Kiingereza!

2005-05-17T02:11:00.000-07:00

Tangu enzi za mababu zetu watanzania tumekuwa tukijitahidi kuenzi utamaduni wetu na hasa baada ya kupata uhuru wetu mwaka 1961 chini ya Mwl J. K. Nyerere wee acha tu.

licha kuwepo kwa juhudi za kuuenzi utamaduni wetu wa kitanzania pia kupitia lugha yetu ya taifa ya kiswahili tumekuwa tukiitumia sana katika kuuenzi utamaduni huu kuanzia katika shule za awali hadi vyuo vikuu.

kutokana na watanzania wengi kujitahidi kuendeleza zoiezi zima la kuuenzi utamaduni wao kumekuwapo na vikwazo kibao ambavyo vimekuwa vikiwafanya watanzania hawa kushindwa kuendelea katika suala la kuuenzi utamaduni kutokana na baadhi ya viongozi wao kukazia kutumika kwa lugha ya kiingereza.

kutokana na watanzania kukaririshwa kuwa kiingereza ni lugha ya kimataifa na kutokana na tanzania kufikiria tena kuingia katika shrikisho la jumuiya ya nchi za afrika mashariki hapa watanzania wamekuwa wakichanganyikiwa sana.

kinachowachanganya ni kuhusiana na hiyo lugha wanayoambiwa kuwa ni ya kiamtaifa kama huijui huwezi hata kufanya biashara ya kuku nje ya nchi, kikubwa zaidi kinachowachanganya watanzania wanaoishi kule mvumi kuhusiana na wao kufanya biashara nje ya nchi wakati hata 'kiswakigo' (kiswahili Kigogo) chenyewe kimepita kushoto.

lakini kinachowachanganya zaidi ni suala la kuwafundisha mbuzi wao wanaotegemea kwenda kuwauza nje ya tanzania jinsi ya kulia kiingereza au jinsi ya kuwafunda kuku wao jinsi ya kuwika kiingereza wanapokuwa katika masoko nje ya Tanzania.
Itakuwa ngumu sana kufamnikiwa katika suala la kuuenzi utamaduni wa mtanzania kupitia katika lugha ya taifa ya kiswahili huku viongozi wakisisitiza kuwa kiingereza ni lugha ya kiamataifa, umefika wakati ambapo mataifa mengine waambiwe kuwa kiswahili ni lugha ya kiamataifa.

ili nao waanze kuwafundisha kuku wao kuwika kokoriiiko yaani kwa kuwika katika lugha ya kiswahili au waanze kuwafundisha mbuzi wao kulia kwa lugha ya kiswahili Meeemeeeee! ili tufikikie malrngo ya kuuenzi utamaduni kama wao walifanikiwa.

Ukitaka kwenda mbinguni lazima upitie nji hii hapa

2005-05-16T03:03:00.000-07:00

Ni kuzuri sana, lazima upapitie hapa kabisa usipopitia hapa ujue unakwenda kwingine. Kong'oli hapa!

Ndoa ni kazi Ngumu lakini ni Muhimu, kwa nini wengine hawaowi au kuolewa?

2005-05-16T02:43:00.000-07:00

Ndoa ni agano linalowekwa kati ya mwanaume na mwanamke wabatizwa mbele ya Mungu ili wawe mke na mume.

Kwa mujibu wa Maandiko Matakatifu, agano hili linawafanya wabatizwe wawe mwili mmoja wakishiriki haki zote za ki-ndoa pamoja na mafao ya kijamii yatokanayo na hali ya ndoa.

sasa ni kwa nini wengin hawaowi wala kuolewa, Bofya hapa!

He! Kumbe kuna watu wanakunywa pombe kila siku lakini hawafahamu bei yake........

2005-05-16T02:29:00.000-07:00

Ni ngumu kuaminishwa lakini utakaposhuhudia ni lazima ukubali kuwa ni kweli yanatokea.

hii kwa wale wahudumu wa sehemu zinazouzwa Pombe yaani 'Bar wanalitambua sana hili na wala sio geni kwao kutokana na uzoefu wa kazi yao ya kuuza bia kwa watu mbalimbali.

wahudumu wao ambacho hujali ni kulipwa pesa zao haijalishi pesa hiyo ni ya wizi au ya kuhongwa kitu ambacho kimekuwa kikiwagharimu wanunuaji au walipaji wa vunywaji husika.

hapa kubwa ninalolizungumzia ni kuhusiana na tabia ya baadhi ya watua mabo kila mda ukikutana naye kila muda yeye amelewa tu halafu kabla ujamuuliza utasikia anakwambia niko pombe anadhani ni sifa kubwa mbele ya watu anaowambia.

lakini cha kushangaza ni kwamba mtu huyohuyo ukimuuliza umekunywa ngapi kwa sauti kubwa atakujibu harakaharaka nimekunywa kumi, na ukimuuliza ni sawa na kiasi gani cha pesa alichotumia utamuona anainama chini kana kwamba anafikiria kitu cha maana badala yake anakujibu SIJUI.

NI hatari sana kwa wale wenye tabia hii hususani ni akinaada ambao kutwa yuko pombe ukimuuliza bei ya bia moja hajui ni kiasi gani akian kaka nao tabia hii ni hatari sana zaidi kuliko kwa akina dada, lakini haya si mawazo yango hata R.S analitambua hilo.

Hebu tuweni na ustaarabu jamani hata kama unapewa ofa kila siku basi siku moja pita mwenyewe bar ujaribu kuulizia bei tu ya bia kama unavyofanya kwenda dukani kuulizia bei ya kiatu au nguo ili uwe na uhakika wa ofa unazopewa mtaani.

Ni kweli kuwa CCM ya Mkapa ni tofauti ile ya Nyerere?

2005-05-09T09:19:00.000-07:00

haki yangu Mungu siasa ni mchezo mtamu sana, lakini mambo yanapokugekia utatamani ardhi ipasuke uingie ndani ili watu wengine wasikuone, wapinzani nao wana mambo Soma hapa

Wengine walishehekea hivi Siku ya mama!

2005-05-09T09:12:00.000-07:00

Tarehe 8 May kila mwaka duniani kote husherehekea siku ya mama Yaani Mothers Day!

hapa kwetu Tanzania watanzania nao pia walisherehekea siku hii kwa furaha kubwa ikizingatiwa siku hii iliangukia katika siku ya Jumapili ambayo ni siku ya mapumziko ya mwisho wa wiki.

wengine walisherehekea siku hii kwa kuwashukuru mama zao kuwaweka hapa duniani kwa kuwazaa, kuwalea na kuwapatia kila kilicho mahitaji yao na kuwafikisha hapo walipo sasa.

wengine waliwapatia mama zao zawadi mbalimbali ikiwemo kadi, maua na zawadi nyinginezo nyingi kwa ajili ya kuonyesha upendo wao halisi kwa mama.

lakini kwa upande wa wa wafanyabiashara hali kwao ilikuwa tofauti na wengine kwa kuwa wafanyabaishara wao walikuwa wakifanya biashara kwa kuuza kadi za siku ya mama na maua kwa ajili ya siku hiyo.

mwanzilishi wa siku hiyo Bibi. Anne amekilaani kitendo hicho cha kufanya biashara kwa kusema kuwa kuwa lengo la siku hiyo halikuwa kufanya baishara kama wanavyofanya sasa watu wengi hapa duniani.

anasema kuwa lengo la kauzishwa kwa siku hiyo ni kuwapongeza akina mama ambo walikuwa wakiwapokea waume zao ambao walikuwa wakirejea kutoka vitani ambao kabla ya kuondoka waliawaacha akina mama hao wengine ama wakiwa na watoto wadogo ama mimba ambazo akina mama hao pamoja na kupata shida zote za upweke waliweza kuwalea watoto wao na kaundaa mapokezi kwa ajili ya kuwapokea waume zao ambao walikuwa wakitoka vitani.

upendo huu waliouonyesha akina mama hawa ulisababisha kuanzishwa kwa siku hii muhimu sana na siyo kwa ajili ya kufanya baishara kama ilivyo sasa. HONGERENI AKINA MAMA!

'FIRST LADY' Huyu hakupata kitchen Party kabla ya Kuingia Ikulu?

2005-05-09T08:43:00.000-07:00

KILA mtu anaamini kuwa Ikulu ni mahali patakatifu na kila anayeingia Mahali hapo alzima awe ametakaswa kabla hajaingia, licha ya kuwa ni ngumu mtu kutakaswa kabla hajafa.

suala la kujitakasa pia ni zuri na hasa kwa akina mama ambao wana madaraka makubwa ya kuwaongoza wenzao au akina mama ambao waume zao wana madaraka makubwa hii ikiwa ni pamoja na kuwa mke wa rais.

nawapa pole sana wenzangu wakenya, hapa naamanisha watu wote wanaoishi kenya Afrika mashariki hii ambayo tunategemea kuwa na Jumuiya ya afrika mashariki kwa kuchangia kila kitu hususan katika masuala ya biashara.

pole hii hasa ni kwa akina mama wa kikenya, nawapa pole sana hawa kwa kuwa mke wa rais waoamekuwa akifanya mambo ya ajabu ikiwa ni pamoja na kushinikiza mumewe kufanya mambo ya ajabu ajabu kutokana na mumewe kuwa na cheo cha juu cha utumishi kuliko vyeo vingine hapa afrika.

mama huyu licha ya kufanya mambo ya ajabu hivi akribuni alitoa kali baada ya kuvamia chumba cha habari cha gazeti moja la nchini kenya akitaka kuombwa radhi kutokana na gazeti hilo kumuandika.

licha ya kuvamia chumba hicho cha habari pia mama huyo alimpiga vibao mpiaga picha wa gazeti hilo kwa madai kuwa alimpiga picha!

sasa mablogist wanawake wenzangu kwewli hii ni haki? mwanamke mzima mwenye akili timamu na mumeo ni mtu mwenye madaraka ya juu unafanya mambo kama mtoto mdogo anayesoma vidudu?

poleni sana akina mama wa kenya huyu mwanamama amewadhalilisha sana akinamama wa kenya kwa tabia yake hiyo ya ajabu kwa kufanya hivyo watu wa mataifa mbalimbali wamefikiria kuwa wanawake wa kabila lake wote wako kama mama huyo alivyo. pole sana First Lady! milango iko wazi kwa ajili ya kuchangia maoni yenu kuhusiana na tabia ya mama huyu wa ajabu karibuni wanablog.

Kaguo alamba Ugombea wenza 2

2005-05-07T09:10:00.000-07:00

kutokana na sababu za kiufundi habari hii haikuweza kusoma vilivyo lakini sasa mambo yanaenda kama yalivyopangwa.Kong'oli hapa

MAPAPARAZI wapewa vitambulisho vya Wahudumu!

2005-05-05T10:09:00.000-07:00

Waandishi wa habari ni watu muhimu sana hapa nchini na duniani kote kwa ujumla na wengi wamekuwa wakiita fani ya uandishi wa habari kuwa mhimili wa nne!

lakini watu hawa wamekuwa wakionekana kuwa hawana maana sana na hasa pale wanapoalikwa katika shughuli mbalimbali za kitaifa.

Ni hivi karibuni mjini Dodoma kulimalizika tukio kubwa ambalo lilikuwa linakamilisha neno kutimia ambapo wana CCM walikuwa wakiteua mgombea urais ambaye wengi wanaamini huyo ndiye rais wa awamu ya nne.

katika mkutano mkuu huo maalum wa CCM wageni wengi toka ndani na nje ya nchi walialikwa kwa ajili ya kuhudhuria mkutano huo wakiwemo waandishi wa habari toka vyombo mbalimbali vya habari hapa nchini.

licha ya kualikwa kwa wageni wengi na waandishi pia, wageni hao walitafutiwa mahali pazuri pa kulala na kupewa kadi maalum za kuingilia katika ukumbi wa mikutano wa CHIMWAGA.

kinyume na wageni wengine waandishi wa habari hawakupewa uzito kama ilivyokuwa kwa wageni wengine ambao walialikwa kuhudhuria Mkutano huo na badala yake walionekana kama wafanyabiashara wa nguo toka mikoani.

siku ya mkutano baadhi ya waandishi wa habari walionekana kukosa kabisa kadi hizo maalum ambazo walitakiwa kuwa nazo na kuwaruhusu kuingia katika mkutano huo maaluma ambao ulikuwa na ulinzi kupita kiasi.

baadhi ya waandishi wa habari na wapiga picha ambao walibahatika kunusa milango ya ukumbi huo walipata kadi za uhudumu wa Vinywaji na vyakula ambazo zilkuwa zinatumiwa na wauzaji wa vyakula na vinywaji nje ya ukumbi huo.

hii iliniuma sana, mbaya zaidi ni pale matukio muhimu yaliyokuwa yakitokea ndani ya ukumbi huo yalikopokuwa yanafanyika wapiga picha na waandishi wa habari walitakiwa kushuhudia ili kuwapa taarifa wananchi ambo wako tandahimba.

ilikuwa ngumu kwao kuingia kutokana na vitambulisho vyao kuwaruhusu waandishi na wapiga picha kuishia nje ya milango ya ukumbi huo.

kilichokuwa kinagomba hapa ni kwamba baadhi ya maafisa wa usalama walikuwa wakiwaambia waandishi hawa kuwa "nendeni mkawahudumie huko nje huku ndani tuko kamili"

licha ya kunyimwa vitambulisho pia walifukuzwa katika nyumba za kulala wageni amabzo walikuwa wamefikia kwa madai kuwa CCM ilikuwa imezikodi nyumba zote kwa ajili ya kufikia wajumbe wa Cma hicho.

hii inaonyesha ni jinsi gani waandishi wa habari wasivyothaminiwa katika jamii hususan na baadhi ya viongozi wa Chama cha mapinduzi katika idara ya habari.

CCM kama hamuyawezi waachieni Idara ya habari maelezo watayamaliza wao bila kufanya hiyana kama mliyofanya katika mkutano wenu mlitukwaza sana.

Tumewasamehe na tumemkemea Pepo mchafu aliyemo nsdani ya chama chenu katika jina la Yesu ashindwe na asiendelee kuwepo! AMINA.

Ni moshi wa kijani lakini sio wa Mjomba.............!

2005-05-05T09:41:00.000-07:00

HAYAWIHAYAWI sasa yamekuwa, jana mosho wa kijani ulifoka katika ukumbi wa Chimwaga na kuwamwaga wale 2 ambao walitakiwa kumwagwa haraka sana kabla Jogoo halijawika.

hatimaye jana neno likatimia! shangwe na vilelegele vifijo na Nderemo nguo za kijani, moshi wa kijani hii ilikuwa ikimaanisha sasa Imekwisha.

kilichonitia wasiwasi ni pale Moshi ule wa kinai uliotoka na kuonnyesha aliyekuwa amechaguliwa ni mwingine siyo mjomba wangu! hapa ilikuwa ni ngumu kuamini lakini baadaye fahamu ziliponirudia nikaamini kuwa ni kweli hakuwa Mjomba.

lakini kwani huyo na mjomba wana togfauti gani hapa nilijiuliza na kukosa jibu kabisa lakini nilipomuuliza Binamu akaniambia kuwa eti mjomba alikuwa Mzee sana kuliko huyo mteule.

nikamuuliza Binamu kwani Ikulu kuna kazi za kubeba Zege? akanijibu kuwa hata kama kazi si za kubeba zege lakini huu ni muda wa vijana kuonyesha ujana wao katikia wakati wao wa ujana hususan ni kipindi hiki.

sikuishia hapo nikamuuliza tena; kwani ukienda katika kijiji ambacho umgeni sana utatafuta kijana maarufu au Mrembo maarufu na kuuliza shida yako?

akajibu hapa, nikamuuliza tena utumtafuta nani na kumuuliza? akijibu; nitamtafuta Mzee maarufu na kumuuliza.

hapo nikaridhika kumoyo! nataka kukwambia Binamu kuwa sasa kwa taarifa yako Mjomba amekata rufaa! na Ikulu hakuna kazi ya kubeba Zege na utamu wa embe ni lile ambalo limeivia juu ya mti siyo la kuvundika.

Kaguo alamba ugombea Mwenza

2005-05-05T09:23:00.000-07:00

Waandishi wa habari nao hawako nyuma kwa Vituko na hiki ni kimojawapo kati ya vituko hivi! Soma hapa

"Hata nisipochaguliwa nitarudi kuwashukuru"

2005-05-05T09:12:00.000-07:00

Hapa namnukuu aliyekuwa mmoja kati ya wale wanaiomba CCM kumteua kuwa mgombea urais kwa tiketi ya chama hicho alipokuwa akirudisha fomu ya kuomba baraka hizo

Mgombea huyu alisema kuwa iwapo hatobahatika kupata nafasi hiyo ya kuteuliwa na kuwa mgombea urais kwa tiketi ya chama hicho basi angerudi katika mikoa yote 26 aliyozunguka wakati akiomba wasdhamini kwa ajikli ya kumdhamini katika suala zima la kupata baraka za kuteuliwa kuwa mgombea urais.

alisema kuwa angerudi na kuwashukuru wale wote waliomdhamini na kuwataarifu matokeo juu ya kile kilichotokea katika uteuzi huo.

swali? je ni kweli atafanya hivyo!

nafikiri itakuwa ngumu sana kwanza bado anazo nguvu za kwenda huko kuzunguka na kuwatafuta tena wadhamni wake na kuwakatia takrima kama alivyofanya hapoa awali alikwenda kuwabembeleza kwa ajili ya udhamini?

nasubiri sana huu wimbo urudiwe kuimbwa na mwasiasa huyu ambaye alipokuwa akiyasema haya alionyesha ujasiri wa hali ya juu kana kwamba alikuwa an uhakika wa kuwa mteule katika nafasi ya kuwa rais mgombea.

haya tunakusubiri kwa hamu sana baba! wadhamini pia wana hamu ya kujua yaliyokusibu mpaka ukachinjwa na kutupiliwa mbali.

WELCOME BACK utupe FEEDBACK!

Kuzirai ni Muhimu lakini Kulia kwa Wabarabaig ni Mwiko

2005-05-02T09:35:00.000-07:00

Najua huwezi kuamini lakini jinsi hali inavyooneka ndivyo itakavyokuwa, ni ngumu kuamni lakini ukweli utabaki kuwa palepale, hao 10 kati yao wengi watalia, lakini inawezekana 9 tu ndio watakaolia huyo 1 itakuwa ngumu KULIA anaweza akazirai na kupoteza fahamu lakini asidondoshe hata chozi kutokana na imani za huko kwao Mbulu.

Hayo yatakuwa ni matokeo tu na ukweli utabaki kuwa palepale!

TOP 5 wa sensitine ndogo ya Nec hawa hapa!

2005-05-02T09:26:00.000-07:00

Haki ya Mungu yaani huwezi kuamini mambo CCM yaani chama cha mapinduzi, watu wote sasa masikio yao na akili zao zote zimeelekezwa mjini Dodoma kwa ajili ya kujua ni nani atakayepigana kiume kufa na kupona kwa ajili ya kumrithi Mkapa.

Kubwa ambalo hata wenyeji wa mkoa wa Dodoma ambao pia nao ndi wanaishi hapa mbado wana hamu ya kuwafahamu hao waliofanikiwa angalau kuonja kidogo hayo ambayo kwa pia wanahisi ni mafanikio ya kuanza safari ya kwenda Sensitine Kubwa ya Chimwaga.

akina mama nao hawako nyuma, wako msatari wa mbele kwa ajili ya kufanikisha akina baba ambao walijitokeza katika kuonja majaraibio ya kinyan'ganyiro hicho wanafanikiwa na wao kuitwa 'FIRST LADY' licha ya kuwa wao waliogopa kluchukua fomu na kuongozana na waume zao ambao hapo baada nafikiri wangeitwa 'FIRST GENTLEMAN'

mpaka sasa wachezaji 11 wako uwanjani wakiongozwa na golikipa Babu Ushindi ambaye kwa mujibu wa wataalam wa mambo ya siasa anatisha kimsingi.any way kesho utawafahamu hao TOP 5! USIKOSE!

Wanawake wasubiri 'moshi wa kijani' Chimwaga

2005-05-01T09:21:00.000-07:00

Licha ya ukweli kuwa hakuna hata mmoja aliyejitokeza kwa ajili ya kuwania kuteuliwa kuwa mgombea wa kiti cha urais kwa tiketi ya CCM, bado wanawake nchini Tanzania, kama walivyo Watanzania wengine watakuwa wakisubiri kwa hamu kujua kuwa baraza la mapapa wa CCM litafukiza moshi wa aina gani baada ya vikao vyao vitakavyofanyika katika siku tatu zijazo mjini hapa.

Kwamba kutatoka moshi wa aina gani, hilo sio swali ambalo mtu anaweza kulijibu kwa haraka sana hasa kwa kuzingatia kuwa karibu wagombea wote wana nafasi sawa ya kuweza kushinda licha ya tambo, mbwembwe na madoido ya hapa na pale yaliyoshuhudiwa toka kwao toka walipochukua hadi kurudisha fomu.

Je ni moshi wa kijani, wa njano, kijani na njano, moshi mwekundu kama alivyosema kakayangu Kulangwa au ni cheche kama alivyosema kaka yangu Rama? Swali hili litajibika hivi karibuni baada ya baraza la mapapa wa CCM kukutana pale 'Sestine' yao (Chimwaga). Tuombe kheri na Mungu atuongoze.

Kutoka Ugogoni

2005-04-30T07:28:00.000-07:00

Namaanisha kutoka kati kati ya Tanzania, katika mkoa unaokwenda kwa jina la Dodoma (zamani Idodomya), mkoa ambao toka miaka ya kupata uhuru wa Tanganyika (sasa Tanzania), viongozi wetu wamekuwa wakiota kuufanya makao makuu ya nchi hii, ingawa ndoto hii ya viongozi wetu wakuu, imeendelea kuwa kuukuu kwa zaidi ya miaka 40 sasa.

Naam, huko ndiko anakoibukia binti huyu wa Kitanzania, ambaye kwa jitihada nyingi za binafsi na za washauri mbalimbali, ameamua kuvamia ulimwengu wa Blogi. Ujumbe wake kwako ni kuwa, anajua kwamba itamchukua muda sana kuweza kufikia hatua za juu sana katika teknolojia hii, lakini haidhuru anaamini ipo siku atafika kwa msaada wako na wa wengine pia.

Hii ni nuru kutoka kwa Wagogo, kabila kuu katika ukanda anakotoka mwanablogi huyu, japo nalo pamoja na kuwa kabila kuu, bado hali yao imeendelea kuwa kuu kuu kwa miaka nenda rudi. nani ajuaye, huenda siku zao za ukombozi ndio zimeanza leo hii, tusubiri tuone.

Shukrani kwa wote mliokuwa na hamu ya kuona mtu kama mimi naibuka kwa ajili ya ninyi kuniunga mkono.